| e-texts navigator |
| Wylie |
190b1 ལྟ་བུ་དང་། དབེན་པ་དང་། ངོ་བོ་ཉིད་མྱེད་པ་དང་། གཟུགས་མྱེད་པ་དང་། བསྟནད་ཏུ་མྱེད་པ་དང་། ཐོགས་པ་མྱེད་པ་དང་། རྣམ་པར་རིག་པ་མ་ཡིན་པར་ཤེས་པའི་ཕྱིར་ཏེ། གང་རྣམ་པར་ཤེས་པ་དེ་ལྟར་རྟོགས་པ་དེ་ནི་ཡེ་ཤེས
190b2 ཡིན་ནོ།། དེ་ཡིས་ཤེས་ལེ་རྟོན་པ་ཡིན་ཀི། རྣམ་པར་ཤེས་པའི་རྗེས་སུ་མྱི་རྒྱུག་ཀྱང་། གཞན་དག་ལ་རྣམ་པར་ཤེས་པ་དེ་སྟོན་ཏེ། དེ་ལ་མཚན་མར་ཡང་མྱི་འཛིན་ཅིང་། དེ་རྣམ་པར་ཤེས་པ་ལ།། ཡེ་ཤེས་སོ་ཞེས་ཀུན
190b3 བསྐྱེད་དོ།། རྣམ་པར་ཤེས་པའམ། ཡེ་ཤེས་ལ་མངོན་པར་ཞེན་པར་ཡང་མྱི་འགྱུར་རོ།། རྣམ་པར་ཤེས་པའི་དེ་ཁོ་ན་ལ་མངོན་པར་ཞེན་པས། ཡེ་ཤེས་ཀྱི་དེ་ཁོ་ན་མྱི་བརྗོད་དོ།། རྣམ་པར་འཕྲུལ་པའི་རྒྱལ་པོ་བྱང
190b4 ཆུབ་སེམས་དཔའ་གང་ཡེ་ཤེས་ལ་བརྟོན་པ་དེ་ནི། རྣམ་པར་ཤེས་པ་དང་ལྡན་གཅིག་མྱི་གནས་སོ།། སེམས་ཅན་གཞན་དག་ལ་རྣམ་པར་ཤེས་པ་མ་ཡིན་པར་ཆོས་མྱི་འཆད་དོ།། རྣམ་པར་འཕྲུལ་པོའི
190b5 རྒྱལ་པོ་འདི་ནི་བྱང་ཆུབ་སེམས་དཔའི་མངོན་པར་ཤེས་པའི་རྣམ་པར་འཕྲུལ་བ་ཡིན་ཏེ། ལྷའི་རྣ་བ་ཐོབ་པ་དེས་ཡེ་ཤེས་ཀྱི་དབྱིངས།། འདི་རྟོགས་པར་འགྱུར་རོ།། རྣམ་པར་འཕྲུལ་པའི་རྒྱལ་པོ་བྱང
190b6 ཆུབ་སེམས་དཔའ་དེ་གང་ཟག་གི་ཚིག་བླ་དགས་དང་ལྡན་པའི་ཆོས་ཀྱང་ཉན་ཅིང་། ཆོས་ཉིད་ལ་རྟོན་གྱི་གང་ཟག་ལ་རྟོན་ཏོ།། དེ་ཅིའི་ཕྱིར་ཞེ་ན། རྣམ་པར་འཕྲུལ་པའི་རྒྱལ་པོ་གལ་ཏེ་ལེག་པར་གསུངས
190b7 པའི་ཆོས་འདུལ་བ་འདི་ལ་གང་ཟག་ཡོད་པར་གྱུར་པ་ན། སེམས་ཅན་གང་ཡང་ཤིན་ཏུ་དག་པ་དང་བ་དད་པར་མྱི་འགྱུར་བའི་ཕྱིར་རོ།། རྣམ་པར་འཕྲུལ་པའི་རྒྱལ་པོ་དེ་ལྟ་བས་ན་ཆོས་ཐམས་ཅད་གང་ཟག་མྱེད་མོད་ཀྱི
190b8 དེ་བཞིན་གཤེགས་པས་འཇིག་རྟེན་ཀཱི་ཐ་སྙད་དུ་གང་ཟག་ཅེས་གསུངས་སོ།། དེ་བས་ན་བྱང་ཆུབ་སེམས་དཔའ་ཆོས་ལ་རྟོན་པ་ཡིན་གྱི། གང་ཟག་ལ་རྟོན་པ་མ་ཡིན་ནོ།། རྣམ་པར་འཕྲུལ་པའི་རྒྱལ་པོ་ཆོས་ཤེས
190b9 བྱ་བ་དེ་ནི།། ཆོས་ཀྱི་དབྱིངས་ཀྱི་ཚིག་བླ་དགས་སོ།། རྣམ་པར་འཕྲུལ་པའི་རྒྱལ་པོ་ཆོས་ཀྱི་དབྱིངས་ཤེས་བ་དེ་ནི། སྐྱེ་བ་མྱེད་པའི་དབྱིངས་ཀྱི་ཚིག་བླ་དགས་སོ།། རྣམ་པར་འཕྲུལ་བའི་རྒྱལ་པོ་སྐྱེ་བ་མྱེད་པ
iiif viewer powered by OpenSeadragon
