| e-texts navigator |
| Wylie |
81a1 པ་བཟང་པོ་འདི་ལ་སངས་རྒྱས་སུ་འགྱུར་བ་གང་ཡིན་པའི་དེ་བཞིན་གཤེགས་པ་དག་གི་བསྟན་པ་ལ་ཐེག་པ་ཇི་ལྟ་བ་བཞིན་དུ་མོས་པར་འགྱུར་ཏེ། ཐེག་པ་ཆེན་པོ་ཞུགས་པ་རྣམས་མ་རྟོགས་པར་ཐམས
81a2 ཅད་ཀྱང་བསྐལ་པ་བཟང་པོ་འདི་ཉིད་ལ་ཡོངས་སུ་མྱ་ངན་ལས་འདའ་བར་འགྱུར་རོ།། ཀླུའི་བདག་པོ་དེ་བཞིན་གཤེགས་པའི་སྙན་པའི་ཆེ་བ་ཉིད་དང་། རབ་ཏུ་བྱུང་བའི་ཡོན་ཏན་གྱི་རྒྱུའི་ཁྱད་པར་ལ་ལྟོས།། འདི་ལྟར་སེམས་ཅན
81a3 དག་མྱི་དགེ་བའི་ཆོས་ཐམས་ཅད་སྤངས་ནས། ཁྱད་པར་དུ་འགྲོ་བར་འགྱུར་རོ།། དེ་ནས་བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ཀྱི་འདི་སྐད་ཅེས་གསོལ་ཏོ།། བཅོམ་ལྡན་འདས་སངས་རྒྱས་བཅོམ
81a4 ལྡན་འདས་རྣམས་ནི་མཐོང་བ་དང་ཐོས་པ་དོན་མཆིས་པ་ལགས་ཏེ་ངོ་མཚར་ལགས་སོ།། འདི་ལྟར་སྨད་དུ་མ་མཆིས་པའི་ལས་ཅན་རྣམས་ཀྱི་སངས་རྒྱས་ལ་དམྱིགས་པའི་སེམས་གཅིག་ཙམ་བསྐྱེད་པ་ཡང་ཆབ་འཚལ
81a5 བར་མྱི་འགྱུར། དེ་ནི་དེ་དག་གི་ཡོངས་སུ་མྱ་ངན་ལས་འདས་པའི། བར་དུ་རྒྱུར་འགྱུར་བ་ལགས་སོ།། བཅོམ་ལྡན་འདས་བདག་ཀྱང་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་འདི་ལྟ་སྟེ། མཐོང་བ་དང
81a6 ཐོས་པ་དོན་མཆིས་པར་སེམས་བསྐྱེད་པར་འཚལ་ལོ།། བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བདག་གི་བྱང་ཆུབ་སེམས་དཔའི་སྤྱོད་པ་དོན་མ་ཆིས་པར་གྱུར་ད་ཅིག། བདག་སེམས་རྨོངས་པར་མ་གྱུར་ད་ཅིག།
81a7 དགེ་བ་ལ་རྨོངས་པ་དང་བྱམས་པ་ཆེན་པོ་དང་། སྙིང་རྗེ་ཆེན་པོ་ལ་རྨོངས་པར་མ་གྱུར་ཅིག། བདག་ཆེ་རབས་ཐམས་ཅད་དུ་སངས་རྒྱས་མཐོང་བ་དང་། ཆོས་ཐོས་པ་དང་། འཕགས་པའི་དགེ་འདུན་ལ་བསྙེན་བཀུར་བགྱིད་པ་དང་།
81a8 སེམས་ཅན་ཡོངས་སུ་སྨིན་པར་བགྱིད་པ་དང་བྲལ་བར་མ་གྱུར་ཅིག། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མ་ཚོའི་བུ་དཔལ་གི་འཟིའ་བརྗིད་ལ་ལེགས་སོ་ཞེས་བྱ་བ་བྱིན་ཏེ། བཞིན་བྱ་བ.རས་ཁྱོད་ཀྱིས་སེམས་ཅན་ཐས
81a9 ཅད་ཀྱི་རྟེན་གྱི་སེམས་བསྐྱེད་པ་ལེགས་སོ་ལེགས་སོ།། འདི་ལྟ་བུའི་སྐྲག་པའི་བསམ་པ་དང་འདི་ལྟ་བུའི་སྙིང་རྗེ་ཆེན་པོས་བྱང་ཆུབ་ཏུ་སེམས་བསྐྱེད་པ་འདིའི་དགེ་བའི་རྩ་བའི་རྣམ་པར་སྨིན་པ་དེ་ནི། དེ་བཞིན་གཤེགས་པས་སོ།
iiif viewer powered by OpenSeadragon
