| e-texts navigator |
| Wylie |
71a1 ལ། འདི་ན་དྲན་པ་ཉེ་བར་གཞག་པ་རྣམས་ཤེས་བྱ་བ་གང་ཡིན་པ་དེ་དག་ནི་གཞ་དག་ན་གནས་པ་རྣམས་ཤེས་བྱའོ།། འདི་ན་ཡང་དག་པར་སྤོང་བ་རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་ཁྱད་པར་དུ་སྒྲོལ་བ་རྣམས་ཤེས་བྱའོ།།
71a2 འདི་ན་རྫུ་འཕྲུལ་གྱི་རྐང་པ་རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་ཕྱོགས་སུ་འགྲོ་བ་རྣམས་ཤེས་བྱའོ།། འདི་ན་དབང་པོ་རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་རབ་ཏུ་ཤེས་པ་རྣམས་ཤེས་བྱའོ།། འདི་ན་སྟོབས
71a3 རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་བརྟན་པ་རྣམས་ཤེས་བྱའོ།། འདི་ན་བྱང་ཆུབ་ཀྱི་ཡན་ལག་རྣམས་ཤེས་བྱ་བ་གང་ཡིན་པ་དེ་དག་ནི། གཞན་དག་ན་རྗེས་སུ་འགྲོ་བ་རྣམས་ཤེས་བྱའོ།། འདི་ན་ལམ་ཤེས་བྱ་བ་གང་ཡིན།
71a4 བ་དེ་དག་ནི་གཞན་དག་ན་སྩོལ་བ་ཞེས་བྱའོ།། འདི་ན་སོ་སོ་ཡང་དག་པར་རིག་པ་ཞེས་བྱ་བ་གང་ཡིན་པ་དེ་ནི། གཞན་དག་ན་མངོན་གསུམ་གྱི་སྒོ་ཞེས་བྱའོ།། འདི་ན་ཆོས་ཀྱི་སྦྱིན་པ་ཞེས་བྱ་བ་གང་ཡིན་པ་དེ་ནི། གཞན་དག
71a5 ན་ལེགས་པར་སྡུད་པ་ཞེས་བྱའོ།། འདི་ན་ཞི་གནས་དང་ལྷག་མཐོང་ཞེས་བྱ་བ་གང་ཡིན་པ་དེ་ནི། གཞན་དག་ན་ཉེ་བར་ཞི་བ་དང་། རྣམ་པར་ལྟ་བ་ཞེ་ས་བྱའོ།། འདི་ན་རྣམ་པར་ཐ་རད་པ་ཞེས་བྱ་བ་གང་ཡིན་པ་དེ་དག་ནི
71a6 གཞན་དག་ན་དོན་ཡོད་པ་ཞེས་བྱའོ།། འདི་ན་བསོད་ནམས་ཤེས་བྱ་བ་གང་ཡིན་པ་དེ་ནི་གཞན་དག་ན་ཕན་པ་ཞེས་བྱའོ།། འདི་ན་ཡེ་ཤེས་ཞེས་བྱ་བ་གང་ཡིན་པ་དེ་ནི། གཞན་དག་ན་རྟོགས་བྱེད་ཅེས་བྱའོ།། འདི་ན་རབ་ཏུ
71a7 འབྱུང་བ་ཞེས་བྱ་བ་གང་ཡིན་པ་དེ་ནི་གཞན་དག་ར་ལམ་གྱི་རྗེས་སུ་འགྲོ་བ་ཞེས་བྱའོ།། འདི་ན་བསྙེན་པར་རྫོགས་པ་ཞེས་བྱ་བ་གང་ཡིན་པ་དེ་ནི་གཞན་དག་ན་འདའ་བར་མྱི་བྱ་བ་ཞེས་བྱའོ།། འདི་ན་མྱ་ངན་ལས་འདས་པ་ཞེས་བྱ་བ་གང་ཡིན་པ་དེ་ནི
71a8 གཞན་དག་ན་ཉེ་བར་ཞི་བ་ཞེས་བྱའོ།། འདི་ན་སངས་རྒྱས་བཅོམ་ལྡན་འདས་རྣམས་ནི་བསྔགས་པ་མཐའ་ཡས་པ་དང་ལྡན་པའོ།། ཞེས་བྱ་བ་གང་ཡིན་པ་དེ་ནི། འཇིག་རྟེན་གྱི་ཁམས་གཞན་དག་ན། སངས་རྒྱས་བཅོམ་ལྡན་འདས
71a9 རྣམས་ནི་བགྱེགས་མྱེད་པའི་ཚུལ་ཅན་ཞེས་བྱའོ།། ཀླུའི་བདག་པོ་ངེས་པའི་ཚིག་གི་ཚིག་དང་། བརྡའི་ཚིག་གི་ཚིག་འདི་དག་ནི། སངས་རྒྱས་ཀྱི་ཞིང་གཞན་དང་གཞན་དག་ཏུ་འབྱུང་སྟེ། མྱི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང
iiif viewer powered by OpenSeadragon
