| e-texts navigator |
| Wylie |
68a1 ཁོ་ནས་བྱང་ཆུབ་ལ་རེག་པར་བྱེད་དོ།། ཀླུའི་བདག་པོ་བྱང་ཆུབ་སེམས་དཔའ་ནི་མྱི་ཟད་པའི་ཟ་མ་ཏོག་གི་གཟུངས་ཐོབ་པས། སྟོབས་བཅུ་ཐོབ་པར་འགྱུར་རོ།། མྱི་འཇིགས་པ་བཞི་དང་། མ་འདྲེས་པ་བཅོ་བརྒྱད་དང་།
68a2 སངས་རྒྱས་ཀྱི་ཆོས་རྣམས་དང་། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་། དཔེའ་བྱད་བཟང་པོ་བརྒྱད་བཅུ་དང་། བླ་ན་མྱེད་པའི་ཤེས་རབ་འཐོབ་པར་འགྱུར་ཏེ། དེའི་ཤེས་རབ་དེ་ཡང་སེམས་ཅན་ཐམས་ཅད་གཟུགས་མྱེད་པར་སྒྲོལ་བའོ།།
68a3 ཉོན་མོངས་པ་ཐམས་ཅད་སྲེག་པའོ།། སེམས་ཅན་ཐམས་ཅད་ཡོངས་སུ་སྨྱིན་པར་བྱེད་པའོ།། ཆུ་བོ་བཞི་ལས་སྒྲོལ་བའོ།། བདུད་བཞི་རྣམ་པར་འཇོམས་པའོ།། སེམས་ཅན་ཐམས་ཅད་ལ་འཛུམ་པའི་བཞིན་སྟོནད་པའོ།།
68a4 སེམས་ཅད་ཐམས་ཅད་མགུ་བར་བྱེད་པའོ།། ཤེས་རབ་རིན་པོའི་སེམས་ཡང་དག་པར་སྐྱེད་པའོ།། དཀོན་མཆོག་གསུམ་གྱི་གདུང་མྱི་ཆད་པར་བྱེད་པའོ།། ཕས་ཀྱི་རྒོལ་བ་ཐམས་ཅད་ཡང་དག་པར་འཇོམས་པའོ།། ཉོན་མོངས
68a5 པའི་མཆེ་བ་ཕྱེ་མར་ཀློག་པའོ།། གསང་བ་གསུམ་གྱི་གསང་སྔགས་ཀྱིས་ཀུན་ཏུ་བསྲུང་བའི་གཟུངས་སོ།། ཆོས་ཐམས་ཅད་ལ་རྣམ་པར་ལྟ་པའོ།། ཉོན་མོངས་པའི་ཁུར་ལས་སྒྲོལ་པའོ།། འཇིགས
68a6 པ་དང་སྐྲག་པ་ཐམས་ཅད་དང་བྲལ་བའོ།། རྒྱ་ཆེ་ཞིང་ཟབ་པའི་ཆོས་ལ་ལྟ་བའོ།། སེང་གེའི་རྩལ་སྤྱོད་པའོ།། སེམས་ཅན་ཐམས་ཅད་ཀྱི་ཉེ་བར་འཚོ་བའོ།། མྱ་ངན་ལས་འདས་པའི་ལམ་དུ་འགྲོ་བའོ།།
68a7 གཡོན་ཕྱོགས་ཀྱི་ལམ་ཡོངས་སུ་སྤོང་བའོ།། གཡས་ཕྱོགས་ཀྱི་ལམ་དུ་འཛུད་པའོ།། དེ་ལྟར་ཡེ་ཤེས་རིན་པོ་ཆེ་དང་ལྡན་པ་དེ་ནི་སེམས་ཅན་ཐམས་ཅད་ཀྱི་སྤྱོད་པ་དང་། བསམ་པ་དང་། ཆོ་ག་ཤེས་པའོ།། མངོན་པར་ཤེས་པ་ལྔ་རྟོག
68a8 པར་ཁོང་དུ་ཆུད་པའོ།། བསམ་གཏན་རྩེ་གཅིག་པ་ལ་དགའ་བའོ།། འཕགས་པའི་བདེན་པ་བཞིའི་ཁ་དང་ལྡན་པའོ།། སྤྱན་ལྔའི་མྱིག་བཟང་པོ་དང་ལྡན་པའོ།། ནམ་མཁའི་དཀྱིལ་མཐའ་དག་གི་ལུས་དང་ལྡན་པའོ།། ཆོས་ཀྱི
68a9 དབྱིངས་དང་མཉམ་པའི་འཕྲལ་བ་དང་ལྡན་པའོ།། དེ་བཞིན་ཉིད་ཀྱི་མགྲིན་པ་དང་ལྡན་པའོ།། མྱི་སྐྱེ་བའི་ལྕེ་དང་ལྡན་པའོ།། མཉམ་པ་ཉིད་དང་རོ་གཅིག་པའོ།། ཆོས་ཐམས་ཅད་ལ་ཐོས་པ་འཛིན་པའོ།། སྒྲ་ཐམས་ཅད་རྟོགས་པའོ།
iiif viewer powered by OpenSeadragon
