| e-texts navigator |
| Wylie |
42a1 སྦྱོར་བ་བདག་ལ་གསུངས། ཐུབ་པ་ཤེས་རབ་འབྱུང་གནས་ཤེས་རབ་གྲོལ། རྟག་ཏུ་མཉམ་གཞག་འཁྲུལ་པའི་ཐུགས་མྱི་མངའ། ཐམས་ཅད་མཁྱེནད་པའི་སེམས་ཅན་སྤྱོད་ལ་མཁས།། མཚུངས་མྱེད་བཞད་པའི
42a2 དོན་ནི་ལེགས་པར་གསུངས། ཡེ་ཤེས་མྱི་ཕྱེད་དབང་གི་མཐར་ཕྱིན་པ། རྫུ་འཕྲུལ་མཐའ་ཡས་པའི་སྟོབས་སྟོན་ཅིག། སྟོབས་བཅུ་དབང་གིས་ཕ་རོལ་གཤེགས། བདེ་བར་གཤེགས་ཁྱེད་ཇི་སྐད་འདིར་འཛུམ་སྟོན།། སྐུ་འོད
42a3 དཔལ་གྱིས་སྡང་བ་མཛད་པ་པོ།། ཁྱོད་ཀྱི་འོད་ཀྱིས་གཞན་འོད་གསལ་མྱི་འགྱུར། ཇི་ལྟར་རྒྱལ་བའི་འོད་ནི་གདའ་བར་ལྟར། གཉི་ཟླ་ཞུགས་དང་ནོར་བུའི་མ་ལགས་སོ།། བསོད་ནམས་ཆེན་པོ་ཐེ་ཙོམ་མྱི་མངའ་བ། རྫོགས་པའི་བྱང
42a4 ཆུབ་སེམས་དཔའ་ཕྱོགས་གསལ་མཛད། བཅོམ་ལྡན་ཅི་སླད་བཤད་པ་སྟོན་པ་དེ། མྱི་མཚུངས་ཡེ་ཤེས་མངའ་བས་བདག་ལུང་སྟོན།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི
42a5 སྐད་ཅེས་བཀའ་སྩལང་ཏོ།། ཀུན་དགའ་བོ་ཀླུའི་རྒྱལ་པོ་མ་དྲོས་པ་དེ། བཞིན་གཤེགས་པ་ལ་འདི་འདྲ་བའི་བཀོད་པ་འདི་དག་གིས་མཆོད་པ་ད་པ་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ
42a6 བཅོམ་ལྡན་འདས་ཀྱིས་བཀའ་སྩལ་པ། ཀླུའི་རྒྱལ་པོ་མ་དྲོས་པ་འདི་ས། བྱང་ཆུབ་བསྒྲུབ་པའི་ཕྱིར། སངས་རྒྱས་བྱེ་བ་ཕྲག་དགུ་བཅུ་རྩ་དགུའི་གན་དུ་ཚངས་པར་སྤྱོད་པ་སྤྱད་དེ།། གང་གི་ཚེ་དེ་བཞིན་གཤེགས་པ་མར
42a7 མྱེ་མཛད་ཀྱིས་ངལ་ཁྱོད་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤག་ཀྱ་ཐུབ་པ་ཞེས་བྱ་བར་འགྱུར་རོ།། ཞེས་ལུང་བསྟན་པ་དེའི་ཚེ་དེའི་དུས་མ། ཀླུའི་རྒྱལ་པོ་འདི་ཚོང་དཔོན་གྱི།
42a8 བུ་རྣམ་པར་དག་པའི་བློ་གྲོས་ཤེས་བྱ་བར་གྱུར་ཏོ།། དེས་ང་ལུང་བསྟན་པ་འདི་ཐོས་ནས། སྨོན་ལམ་བཏབ་པ། བདག་ཀྱང་འོངས་པའི་དུས་ན། ཇི་ལྟར་ཁྱེའུ་བྲེ་གྲོས་བཟང་པོ་འདི་ལུང་བསྟནད་པ་བཞིན་དུ་ལུང་བསྟན་པར་གྱུར་ད་ཅིག
42a9 ཅེས་སྨྲས་སོ།། ཀུན་དགའ་བོ། ཀླུའི་རྒྱལ་པོ་མ་དྲོས་པ་འདི་ཇི་ལྟར་ད་ལྟར་བ་ལ་འབུལ་བ་དེ་བཞིན་དུ། བསྐལ་པ་བཟང་པོ་འ་དེ་བཞིན་གཤེགས་པ་ཐམས་ཅད་ལ་ཡང་རང་གི་གནས་བརྒྱན་ནས་འབུལ་བར་འགྱུར་ཏེ། དེ་བཞིན
iiif viewer powered by OpenSeadragon
