| e-texts navigator |
| Wylie |
279a1 བཞུགས་སུ་གསོལ་ཞེས་གསོལ་པ་དང་། བཅོམ་ལྡན་འདས་དང་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་སེ་སོ་ན་རིགས་པར་བཞུགས་སོ།། དེ་ནས་བྲམ་ཟེ་མོ་དཔལ་ལྡན་མོས། བཅོམ་ལྡན
279a2 འདས་དང་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་བདེ་བར་བཞུགས་པར་རིག་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
279a3 བཅོམ་ལྡན་འདས་གྲོང་ཁྱེར་བ་ར་ན་སེར་གྲང་སོང་ལྷུང་བ་རི་དགས་ཀྱི་གས་འདིར། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་ཏོ་ཞེས་བདག་གིས་ཐོས་ནས། བཅོམ་ལྡན་འདས་བཅོམ་ལྡན་འདས་ཀྱིས་གང་བསྐོར
279a4 བའི་ཆོས་དེ་ལྟ་བུ་ཞིག་ལགས།། དེ་སྐད་ཅེས་གསོལྡ་པ་དང་། བཅོམ་ལྡན་འདས་ཀྱིས། བྲམ་ཟེ་མོ་དཔལ་ལྡན་འམ་ལ་འདི་སྐད་ཅེས་བཀའ་སྩལ་དྲ་ཏོ།། དཔལ་ལྡན་མ་མ་རིག་པའི་རྐྱེན་ཀྱིས་འདུ་བྱེད་རྣམས། འདུ་བྱེད
279a5 ཀྱི་རྐྱེན་ཀྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་ཀྱིས་མྱིང་དང་། གཟུགས། མྱིང་དང་གཟུགས་ཀྱི་རྐྱེན་ཀྱིས་སྐྱེ་མཆེད་དྲུག། སྐྱེ་མཆེ། ད་དྲུག་གི་རྐྱེན་ཀྱིས་རེག་པ། རེག་པའི་རྐྱེན་ཀྱིས་ཚོར་བ། ཚོར་བའི
279a6 རྐྱེན་ཀྱིས་སྲེད་པ། སྲེད་པའི་རྐྱེན་ཀྱིས་ལེན་པ། ལེན་པའི་རྐྱེན་ཀྱིས་སྲེད་པ། སྲིད་པའི་རྐྱེན་ཀྱིས་སྐྱེ་བ། སྐྱེ་བའི་རྐྱེན་ཀྱིས་རྒ་ཤི་དང་མྱ་དང་ན་དང་སྨྲེ་སྔགས་འདོན་པ་དང་། སྡུག་བསྔལ་བ་དང་ཡིད་མྱི་བདེ་བ
279a7 དང་། འཁྲུག་པ་རྣམས་འབྱུང་སྟེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་པོ་འདི་འབྱུང་བར་འགྱུར་རོ།། མ་རིག་པ་འགག་པས། འདུ་བྱེད་འགག། འདུ་བྱེད་འགག་པས་རྣམ་པར་ཤེས་པ་འགག། རྣམ
279a8 པར་ཤེས་པ་འགག་པས། མྱིང་དང་གཟུགས་འགག། མྱིང་དང་གཟུགས་འགག་པས་སྐྱེ་མཆེད་དྲུག་འགག། སྐྱེ་མཆེད་དྲུག་འགག་པས་རེག་པ་འགག། རེག་པ་འགག་པས་ཚོར་བ་འགག། ཚོར་བ་འགག་པས་སྲེད་པ
279a9 འགག། སྲེད་པ་འགག་པས་ལེན་པ་འགག། ལེན་པ་འགག་པས་སྲིད་པ་འགག། སྲིད་པ་འགག་པས་སྐྱེ་བ་འགག། སྐྱེ་བ་འགག་པས་རྒ་ཤི་དང་མྱ་ངན་དང་སྨྲེ་སྔགས་འདོན་པ་དང་། སྡུག་བསྔལ་བ་དང་ཡིད་མྱི་བདེ་བ
iiif viewer powered by OpenSeadragon
