| e-texts navigator |
| Wylie |
278b1 །། ། རྒྱ་ག་སྐད་དུ། ཨ་རྱ་ཤྲི་མ་ཏཱི་བཱི་མཱ་ཎཱི་པ་རི་པྲོ་དེ་ནཱ་ནཱ་མ་མ་ཧཱ་སཱ་ནཱ་སུ་ཏཱ།། བོད་སྐད་དུ། འཕགས་པ་བྲམ་ཟེ་དཔལ་ལྡན་མས་ཞུས་པ་ཞེས་བྱ་བ་ཐེག་པ་ཆེན་པོའི་མདོལ།། སངས་རྒྱས་དང་བྱང་ཆུབ
278b2 སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་པ་ཡན་སི་ན་དྲང་སྲོང་ལྷུ་བ་རི་དགས་ཀྱི་ནགས་ན། དགེ་སློང་བདུན་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ
278b3 སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ། ཆོས་གོས་དང་ཤམ་ཐབས་བནབས་ཏེ་སྤུང་ཟེར་བསྣམས་ནས། ཕྱི་བཞིན་འབྲང་བའི་དགེ་སློང་ཚེ་དང་ལྡན
278b4 བ་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་དང་ཐབས་ཅི་ག་དུ་གྲོང་ཁྱེར་བ་ར་ན་སིར་བསོད་སྙོམས་ཀྱི་ཕྱིར་གཤེགས་སོ།། དེ་ནས་བཅོ་མ་ལྡན་འདས་གྲོ་ཁྱེར་བ་ར་ན་སིར་མཐར་ཆགས་སུ་བསོད་སྙོམས་སྤྱོད
278b5 ཅིང་། བྲམ་ཟེ་མོ་དཔལ་ལྡན་མའི་ཁྱིམ་ག་ལ་བ་དེར་གཤེགས་ཏེ། བྱོན་ནས་བསོད་སྙོམས་ཀྱི་ཕྱིར་ཕྱོགས་གཅིག་ཏུ་བཞུགས་པ་དང་། པྲ་མ་ཟེ་མོ་དཔལ་ལྡན་མས་བཅོམ་ལྡན་འདས་མཛེས་པ་དང་། དད་པར
278b6 བྱ་བ་དབང་པོ་ཞི་བ། ཐུགས་ཞི་བ་དུལ་བ་དང་ཞི་གནས་ཀྱི་ཕ་རོལ་དུ་བྱོན་པ་ཞི་གནས་མཆོག་གི་ཕ་རོལ་དུ་བྱོན་པ་ཞི་བ་དུལ་བ་གསུངས་པ།། སྔ་ག་པ་མྱེད་པ། དབང་པོ་ཐུལ་བ་ལ་དོག་བཟང་པོ་རྒྱས་པ། མཆོག་དང
278b7 ལྡན་པ་མཚོ་ལྟར་དང་ཞིང་གསལ་ལ་རྙོག་པ་མྱེད་པ། གསེར་གྱི་མཆོད་སྡོང་ལྟར་མངོན་པར་འཕགས་པ་མྱི་བསྐྱོད་པ། མྱི་གཡོ་བ་བརྙེས་པ།། དཔལ་གྱིས་འབར་བ་ལྷ་མེ་པ། ལྷ་ནེ་ལྷ་དེ་ཞིང་གཤེགས་པ་རྒྱང་རིང་པོ་ཉིད་ནས་མཐོང
278b8 །། མཐོང་ནས་ཀྱང་དེ་སེམས་དང་བར་གྱུར་ད་ཏེ། དེ་སེམས་དཔབས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པའི་རྐེང་པ་ལ།
278b9 ཕྱག་འཚལ་ནས། བཅོམ་ལྡན་འདས་ཀ་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ལེགས་པར་བྱོན་ཏོ།། བཅོམ་ལྡན་འདས་བ་དན་བཤམས་པ་འདི་ལ
iiif viewer powered by OpenSeadragon
