| e-texts navigator |
| Wylie |
277b1 ཟེར་བ་དག་འགག་པའི་ཕྱིར་དཔེ་ལྷག་མ་རྣམས་བསྟན་ཏོ།། དེའི་ཕྱིར་དཔེ་བརྒྱད་བསྟན་ཏོ།། ཀྱེ་རྒྱལ་པོ་ཆེན་པོ་ཆེ་ཞིག་སྟེ་ཕ་རོལ་ཏུ་སྐྱེ་བ་མྱེད་དེ་ཆད་པ་དང་འགག་པ་ཡང་མ་ཡིན་ནོ།། ཚེ་འདི་དངོས་པོ་རྟག་པ་མ་ཉམས་པར་ཕ་རོལ་ཏུ་འཕོ་བ
277b2 ཡང་མ་ཡིན་ནོ།། ཚེ་འདི་ལ་མ་རྟེན་པར་ཕ་རོལ་དུ་སྐྱེ་བ་ལེན་པ་ཡང་མ་ཡིན། བདག་གིས་སྐྱེ་བ་འདི་བླངས་སོ་ཞེས་བྱ་སེམས་པས་ཀྱང་སྐྱེ་བ་མྱི་ལེན་ནོ།། བདག་གིས་དབང་ཕྱུག་ཆེན་པོ་ལས་སྩོགས་པ་ལ་རྟེན་ཏེ་མཐོ་རས་སུ་སྐྱེ་བར་བྱའོ་སྙམ
277b3 བས་ཀྱང་མ་ཡིན་ནོ།། བདག་མཐོ་རས་དང་ངན་སོང་གར་འདོད་པར་སྐྱེ་བར་བྱའོ་སྙམ་པས་ཀྱང་མ་ཡིན་ནོ།། ཅི་ཡང་མ་བྱས་ཏེ་རྒྱུ་རྐྱེན་ལ་རྟེན་མྱི་དགོས་སྐྱེའོ་སྙམ་པས་ཀྱང་མ་ཡིན་ནོ།། ཕུང་པོ་འདི་ཞིག་སྟེ། ཤ་ནས་ཅི་ཡང་མྱེད་དོ་ཞེས་སྨྲ་བ་མ་ཡིན།
277b4 ནོ།། འདིར་ཚེ་འཕོས་ནས་ཕ་རོལ་ན་གཤིན་གི་ཁམས་སུ་མུ་ཆགས་སུ་མཆིས་པས་འདི་ན་ཅི་སྤྱོད་པ་བྱེད་དེ། སྐྱེ་བ་མྱི་ལེན་ཞེས་ཟེར་བ་ཡང་མ་ཡི་ན་ནོ།། ཚེ་འདིའི་རྣམ་པར་ཤེས་པ་ལ་འགགས་པར་རྣམ་པར་ཤེས་པས་སྐྱེ་བ
277b5 ལེན་ཞེས་ཟེར་བ་ཡང་མ་ཡིན་ནོ།། འདི་དང་ཕ་རོལ་གཉི་གར་ཕུང་། པོ་དུས་གཅིག་ཡོད་ཅེས་ཟེར་བ་ཡང་མ་ཡིན་ནོ།། གྲུབ་པོ་ལས་གྲུབ་པོར་སྐྱེ། དཀར་པོ་ལས་དཀར་པོར་སྐྱེ་ཞེས་བྱ་བ་ལས་སྩོགས་པ་ཡང་མ་ཡིན
277b6 ནོ།། ལྷ་ཚེ་འཕོས་པ་ཡང་ལྷར་སྐྱེའོ།། མྱི་ཆེ་འཕོས་པ་ཡང་མྱིར་སྐྱེའོ་ཞེས་བྱ་བ་མ་ཡིན་ནོ།། དགེ་བས་ངན་སོང་དང་མྱི་དགེ་བས་མཐོ་རིས་འགྲུབཟེར་བ་ཡང་མ་ཡིན་ནོ།། ཤེས་པ་གཅིག་ལས་མང་པོར་འཕེལ་བ་ཡང་མ་ཡིན
277b7 ནོ།། དགེ་བ་མ་བྱས་ཀྱང་ལྷར་སྐྱེ་བ་དང་། མྱི་དགེ་བ་མ་བྱས་ཀྱང་ངན་སོང་དུ་སྐྱེ་བ་ཡང་མ་ཡིན་ནོ།། སྐྱེ་བ་ནི་བྱེད་པ་པོས་བྱས་པ་ཡང་མ་ཡིན་ནོ།། དེ་དག་ཅིའི་ཕྱིར་མ་ཡིན་ཞེ་ན། འ་དོན་གྱི་དཔེ་ལ་གང་དག་གིས་རྣམ་པར་ཤེས་པ་འདི་མ
277b8 འགགས་པར་ཕ་རོལ་དུ་སྐྱེ་བ་ལེམ་ནོ་ཞེས་ཟེར་བའི་སྐྱོན་བསལ་བའི་ཕྱིར།། ས་བོན་གྱི་དཔེ་བསྟན་ཏེ། ས་བོན་དེ་མ་རུལ་བར་མྱུ་གུ་སྐྱེ་ན་ནི་བདག་ཏུ་སྨྲ་བ་དག་བདེན་མ། ས་བོན་དེ་རུལ་ནས་སྔ་མ་ལས་གྱུརྡ་ཏེ་མྱི་འདྲ་བར་འགྱུར་ད་བ་ལ།
277b9 མྱུ་གུ་སྐྱེའོ།། མེ་མར་གྱི་དཔེ་ལས་གང་གིས་མར་མེ་གཅིག་ལས་གཅིག་སྤར་ན། གཉི་ག་ཡོད་པས་འདི་དང་ཕ་རོལ་གཉི་ག་བཕུང་པོར་ཡོད་དོ་ཞེས་ཟེར་བའི་སྐྱོན་བསལ་བའི་ཕྱིར་སྒྲའི་དཔེ་བསྟན་ཏེ། བྲག་ཆ་ནི་མྱོས་མ་བརྗོད་པར་སྨ་རྩི
iiif viewer powered by OpenSeadragon
