| e-texts navigator |
| Wylie |
277a1 བྱུང་བ་ཡང་སྔ་མ་ཡོད་པ་ནི་རྟག་པ་འཕོ་བ་མ་ཡིན་པའི་དཔེའོ།། ཕྱི་མ་དེ་སྔ་མ་ལས་བྱུང་བ་རྒྱུ་མྱེད་པ་ལས་མ་བྱུང་བའི་དཔེའོ།། མེ་ལོང་ནི་ཚེ་འདི་ཡོད་པའི་སྒོ་ནས་ཕྱི་མ་ཡང་ཡོད་ལ། དངོས་པོར་མྱི་འཕོ་ཞིང་ཕ་རོལ་ཡང་ཡོ།
277a2 ངེས་པའི་དཔེའོ།། རྒྱ་ནི་འདིརེ་ལས་ཅི་སྤྱད་པ་མཐུན་པར་ཕ་རོལ་དུ་ཡང་སྐྱེ་བ་ལེན་པའི་དཔེའོ།། མྱེ་ཤེལ་ནི་འགྲོ་བ་རིས་མྱི་འདྲ་བ་ནས་མྱི་འདྲ་བར་སྐྱེ་བའི་དཔེའོ།། ས་བོན་ནི་འགགས་ནས་མྱེད་པར་མྱི་འགྱུར་བའི་དཔེའོ།། སྐྱུར་ནི་མྱོང་བའི་ལས།
277a3 ཀྱིས་སྐྱེ་བ་ལེན་པའི་དཔེའོ།། སྨ་ནི་རྒྱུ་རྐྱེན་ཚོགས་ནས་གནོད་པའི་རྐྱེན་གཞན་མྱེད་ན་སྐྱེ་བ་ལེན་ཏེ། གཅིག་པ་དང་ཐ་དད་པ་མ་ཡིན་པའི་དཔེའོ།། ཀྱེ་རྒྱལ་པོ་ཆེན་པོ་དཔེ་བརྒྱད་པོ་འདི་ཚོང་བར་མ་སྨོས་ཏེ། འགའ་ཞིག་བསྟན་མ་དབང་ཕྱུག
277a4 དང་། འདོད་རྒྱལ་དང་། ཀྱི་ནི་དང་རྒྱུ་མྱེད་པར་སྨྲ་བ་དག་གིས། དགེ་སློང་འགེའུ་ཏ་མའི་དཔེ་འདི་དག་ཁ་དོན་གྱི་དཔེས་ནི་འདི་ཕུང་པོ་དང་། རྣམ་པར་ཤེས་པ་གཉིས་མ་བྲལ་བར་ཕ་རོལ་དུ་རྣམ་པར་ཤེས་པ་འཕོ་བར་འགྱུར་ཞེས་སྨྲ་བ་དག་འགག
277a5 པའི་ཕྱིར་དཔེ་ལྷག་མ་རྣམས་བསྟན་ཏོ།། མར་མེའི་དཔེས་ནི་འདི་དེ་ང་ཕ་རོལ་གཉི་གར་ཕུང་པོ་དུས་ཅིག་ཡོད་དོ་ཟེར་བ་དག་འགག་པའི་ཕྱིར་ད་དཔེ་ལྷག་མ་རྣམས་བསྟན་ཏོ།། མེ་ལོང་གི་དཔེས་ནི་འདྲ་བའི་དཔེ་ཡན
277a6 བས། གྲུབ་བོ་ལས་གྲུབ་མོ་སྐྱེས། དཀར་པོ་ལས་དཀར་པོར་སྐྱེའོ། ཞེས་བྱ་བ་དག་འགག་པའི་ཕྱིར་དཔེ་ལྷག་མ་རྣམས་བསྟན་ད་ཏོ།། བརྒྱའི་དཔེས་ནི་ལྷར་འཕོས་པ་ལྷར་སྐྱེ། མྱི་འཕོས་པ་མྱི་རེ་སྐྱེ་བ་ལས་སྩོགས་པ
277a7 ངེས་པ་ཞེས་ཟེར་བ་དག་འགག་པའི་ཕྱིར་དཔེ་ལྷག་མ་རྣམས་བསྟན་ཏོ།། མྱེ་ཤེས་གྱི་དཔེས་ནི་མྱི་འདྲ་བའི་དཔེ་ཡིན་པས། དགེ་བས་ངན་སོང་དང་། མྱི་དགེ་བས་མཐོ་རས་འགྲུབ་པོ་ཞེས་ཟེར་བ་འགག་པའི་ཕྱིར་དཔེ་ལྷག་མ་རྣམས
277a8 བསྟནད་ཏོ།། ས་བོན་གྱི་དཔེས་ནི་ཤེས་པ་གཅིག་ལས་མང་པར་འཕེལ་བའི་དཔེའོ་ཞེས་ཟེར་བ་དག་འགག་པའི་ཕྱིར་དཔེ་ལྷག་མ་རྣམས་བསྟན་ཏོ།། སྐྱུར་གྱི་དཔེས་ནི་མྱོང་བའི་དཔེ་ཡིན་པས་ལྷའི་ལོ་རྒྱུས་དག་དགེ་བའི་བསོད་ནམས
277a9 མ་བྱས་ཀྱང་ལྷར་སྐྱེའོ།། ངན་སོང་གྱི་ལོ་རྒྱུས་ཡོད་པ་དག་མྱི་དགེ་བ་མ་བྱས་ཀྱང་ངན་སོང་དུ་སྐྱེའོ།། ཞེས་ཟེར་བ་དག་འགག་པའི་ཕྱིར་དཔེ་ལྷག་མ་རྣམས་བསྟན་ཏོ།། སྒྲའི་དཔེས་ནི་བྱེད་པ་པོ་ལ་དཔེ་ཡིན་པས་རྒྱུ་རྐྱེན་ལས་མ་བྱུང་ངོ་ཞེས
iiif viewer powered by OpenSeadragon
