| e-texts navigator |
| Wylie |
276b1 པར་ཡང་མྱི་འཕོ། ཆད་པ་པད་མ་ལགས། རྒྱུ་མྱེད་པ་ཡང་མ་ལགས། བྱེད་པ་པོས་ཀྱང་མ་བྱས། འཇིག་རྟེན་ཕ་རོལ་དུ་སྐྱེ་བ་ཡང་གྲུབ་པ་དེ་རྟོགས་པར་དཀའ་ན། འདི་ལ་མཐུན་པའི་དཔེ་མཆིས་སམ། བཅོམ་ལྡན་འདས་ཀྱིས་བཀྲ།
276b2 སྩལ་ད་པ། ཀྱེ་རྒྱལ་པོ་ཆེན་པོ་འདི་ལ་མཐུན་པའི་དཔེ་བརྒྱད་ཡོད་དེ། བླ་མས་ཁ་ཏོན་བརྗོད་པ་སློབ་མས་ཤེས་པའི་དཔེ་དང་། མར་མེ་ལས་མར་མེ་འབྱུང་བའི་དཔེ་དང་། མེ་ལོང་ལ་གཟུགས་བརྙན་འབྱུང་བའི་དཔེ་དང་། རྒྱ་ལས་རྒྱའི།
276b3 འབུར་དང་རི་མོ་འབྱུང་བའི་རཔེ་དང་། མྱེ་ཤེལ་ལས་མྱེ་འབྱུང་བའི་དཔེ་དང་། ས་བོན་ལས་མྱུ་ཀུ་འབྱུང་བའི་དཔེ་དང་། སྦྱར་ཞེས་བརྗོད་པས་འགྲམ་ཆུ་ལྡང་བའི་སེམས་ཟག་ཆའི་སྒྲ་རྣམས་ཀྱི་དཔེས་རྟོགས་པར་བྱ་སྟེ། ཀྱེ་རྒྱལ་པོ་ཆེན
276b4 པོ་དཔེ་བརྒྱད་པོ་འདི་དག་གི། སྔ་མ་སྔ་མ་ནི་ཕྱེ་མ་ཕྱི་མ་རྣམས་འབྱུང་བ་ཡང་ཡོད་པ་མི་རྟག་པ་འཕོ་བ་མ་ཡིན་པའི་དཔེའོ།། ཕྱི་མ་ཕྱི་མ་ན་སྔ་མ་རྣམས་བྱུང་བས། རྒྱུ་མྱེད་པ་ལས་འབྱུང་བའི་དཔེ་དང་། ཆད་པ་འགག་པ།
276b5 མ་ཡིན་པའི་དཔེའོ།། ཀྱེ་རྒྱལ་པོ་ཆེན་པོ་གཞན་དཔེ་འདི་དག་ནི་རྩེན་གསུམ་འཚོགས་པ་ལས་འབྱུང་སྟེ། ཟླ་དང་སློབ་མ་དེ་གཉིས་དབང་པོ།། མས་ཚང་བ་ལས་ཁ་ཏོན་འབྱུང་ཞིང་སྨྲ་ཤེས་པའོ།། མར་དང་སྡོང་བུ་དང
276b6 སྔོན་ཚོགས་པ་ལས་མར་མེ་འབྱུང་ངོ་།། ནམ་མཁའ་དང་བ་དང་གདོང་དང་མེ་ལོང་ཚོགས་པ་ལས་གཟུགས་བརྙན་འབྱུང་ངོ་།། རྒྱ་དང་འཇིམ་པའི་གོང་བུ་དང་སྐྱེས་བུའི་ལག་པའི་རྩོལ་བ་རྣམས་འཚོགས་པ་ལས་འབུར།
276b7 དང་རི་མོ་འབྱུང་ངོ་།། ཤེལ་དང་ཉི་མའི་འོད་དང་རྩཝ་ཤིང་ཚོགས་པ་ལས་མྱེ་འབྱུང་ངོ་།། ས་བོན་དཔས་གཞི་དང་རླན་པ་རྣམས་འཚོགས་པ་ལས་མྱུ་གུ་འབྱུང་ངོ་།། ཚྭ་དང་ཚྭ་འཐུངད་མྱོང་བ་དང་སྐྱུར་ཞེས་བརྗོད་པ་འཚོགས་པ་ལས་འགྲམ་ཆུ
276b8 ལྡང་ངོ་།། མྱིས་བརྗོད་པའི་སྒྲ་དང་། སྒྲ་དྲག་པོ་གཞན་མྱེད་པ་དང་། རི་བྲེག་རྣམས་ཚོགས་པ་ལས་བྲག་ཆ་འབྱུང་སྟེ། འདི་དག་ནི་སེམས་ཅན་སྐྱེ་བ་ནི་བྱེད་པ་པོས་མ་བྱས་ཏེ། ལས་དང་ཉོན་མོངས་པའི་རྒྱུ་རྐྱེན་ཀྱིས་བསྐྱེད་པའི་དཔེའོ།། ཀྱེ
276b9 རྒྱལ་པོ་ཆེན་པོ་གཞན་ཡང་བླ་ན་ཚེ་འདིའི་དཔེའོ།། སློབ་མ་ནི་ཚེ་ཕ་རོལ་གྱི་དཔེའོ།། ཁ་དོན་ནི་རྣམ་པར་ཤེས་པ་ཉིང་མཚམས་སྦྱོར་བའི་དཔེའོ།། མར་མེ་སྔ་མ་ནི་ཚེ་འདིའི་དཔེའོ།། ཕྱི་མ་ནི་ཕ་རོལ་གྱི་དཔེའོ།། མར་མེ་སྔ་མ་ལས་ཕྱི་མ
iiif viewer powered by OpenSeadragon
