| e-texts navigator |
| Wylie |
219a1 དེ་ལ་དེ་བཞིན་གཤེགས་པ་རྣམས་ཀྱིས་བསྟན་པར་བརྗོད་པ་གང་ཞེ་ན་འདི་ལྟ་སྟེ། ཡོན་ཏན་དང་བདེ་བ་ཐམས་ཅད་ཐ་དད་པའི་སྦྱིན་བདག་ཏུ་གྱུརྡ་པའི་ཕྱིར་རོ།། དེ་ལ་སྟོབས་བཅུ་དག་གིས་བསྟོད་པ་གང་ཞེ་ན་འདི་ལྟ།།
219a2 སྟེ་ཆོས་རིན་པོ་ཆེ་རྙེད་པར་དཀའ་བའི་སྦྱིན་བདག་ཏུ་གྱུ་པའི་ཕྱིར་རོ།། དེ་ལ་བྱང་ཆུབ་སེམས་དཔའ་རྣམས་ཀྱི་ཡོན་ཏན་གང་ཞེ་ན་འདི་ལྟ་སྟེ་ཆོས་འདི་ལ་བསླབས་པའི་ཕྱིར་རོ།། དེ་ལ་སྙིང་རྗེ་ཅན་དག་གི་བཏང་སྙོམས་གང་ཞེ་ན་འདི་ལྟ
219a3 སྟེ་སངས་རྒྱས་ཀྱི་བྱ་བ་བྱས་པའི་ཕྱིར་རོ།། དེ་ལ་བྱམས་པས་ཞེ་སྡང་ཞི་བ་གང་ཞེ་ན་འདི་ལྟ་སྟེ་གཉེན་པོར་གྱུར་པའི་ཕྱིར་རོ།། དེ་ལ་ཐེག་པ་ཆེན་པོ་པ་རྣམས་དབུགས་འབྱིན་པ་གང་ཞེ་ན་འདི་ལྟ་སྟེ་སངས་རྒྱས་ཀྱི་ཆོས་ལ་བསམ
219a4 བ་ཐམས་ཅད་ཡོངས་སུ་རྫོགས་པའི་ཕྱིར་རོ།། དེ་ལ་སེང་གེའི་སྒྲ་བསྒྲོག་པ་དག་གི་ནན་ཏན་གང་ཞེ་ན་འདི་ལྟ་སྟེ་ཆོས་ཀྱི་མཆོག་དང་ཆོས་ཀྱི་དམ་པ་ཐོབ་པར་བྱེད་པའི་ཕྱིར་རོ།། དེ་ལ་སངས་རྒྱས་ཀྱི་ཡེ་ཤེས་ཀྱི་ལ
219a5 གང་ཞེ་ན། འདི་ལྟ་སྟེ་དགེ་བའི་ཆོས་ཐམས་ཅད་ཐོབ་པར་བྱེད་པའི། ཕྱིར་རོ།། དེ་ལ་ཆོས་ཐམས་ཅད་ཀྱི་ཕྱག་རྒྱ་གང་ཞེ་ན་འདི་ལྟ་སྟེ་ཕ་རོལ་ནས་ཚུ་རོལ་རྟོགས་པའི་ཕྱིར་རོ།། དེ་ལ་ཐམས་ཅད་མཁྱེནད་པའི
219a6 ཡེ་ཤེས་མྱི་འཕྲོགས་པ་གང་ཞེ་ན་འདི་ལྟ་སྟེ་མྱི་དགེ་བའི་ཆོས་ཐམས་ཅད་སྤོང་བར་འགྱུར་བ་དང་། དགེ་བའི་ཆོས་ཐམས་ཅད་བསྒྲུབ་པ་དང་། བར་པ་ཐམས་ཅད་བསླབ་པར་འགྱུར་རོ།། དེ་ལ་བྱང་ཆུབ་སེམས་དཔའ
219a7 ནམས་ཀྱི་བསྐྱེད་མོས་ཚལ་གང་ཞེ་ན་འདི་ལྟ་སྟེ། བདག་གི་བདེ་བ་དང་དཀའ་བ་དང་མགུ་བ་ཐམས་ཅད་ཀྱིས་སེམས་ཅན་ཐམས་ཅད་ཀྱི་བདེ་བ་བསྒྲུབ་པའི་ཕྱིར་རོ།། དེ་ལ་བདུད་ཀྱི་སྡེ་རྣམས་འཇིག་པར་བྱེད་པ་གང་ཞེ་ན་འདི་ལྟ
219a8 སྟོབས་ཐམས་ཅད་ཡོངས་སུ་བསྒྲུབ་པ་དང་། ཉོན་མོངས་པ་ཐམས་ཅད་ཞི་བར་བྱེད་པའི་ཕྱིར་རོ།། དེ་ལ་བདེ་བར་འགྲོ་བའི་རིག་པ་གང་ཞེ་ན་འདི་ལྟ་སྟེ། གཙེ་བ་ཐམས་ཅད་ཟད་པར་འགྱུར་བའོ།། དེ་ལ་དོན་གྲུབ་པ་རྣམས
219a9 ཀྱི་དོན་གང་ཞེ་ན་འདི་ལྟ་སྟེ། ཕུན་སུམ་ཚོགས་པ་ཐམས་ཅད་ཡོངས་སུ་བསྒྲུབ་པའི་ཕྱིར་རོ།། དེ་ལ་དགྲའི་ནང་དུ་སོང་བའི་སྐྱབས་གང་ཞེ་ན་འདི་ལྟ་སྟེ། དམྱིགས་པ་ཅན་ཐམས་ཅད་དང་ལོག་པར་ལྟ་བ་རྣམས་ཕམ་པར་བྱེད་པར
iiif viewer powered by OpenSeadragon
