| e-texts navigator |
| Wylie |
312b1 ཀྱི་དང་། ལྷ་མ་ཡིན་ལས་སྩོགས་པས་ཕྱག་བྱས་ནས་ཕྱིར་དོང་ངོ་།། འཕགས་པ་ཏིང་ངེ་འཛིནད་ཀྱི་མཆོག་དམ་པ།། རྫོགས་སོ།།
312b2 རྒྱ་ཀར་སྐད་དུ། ཨ་རྱ་པྲ་ཤན་ཏ་པི་ནི་ས་ཙ་ཡཱ་པྲ་ཏི་ཧ་རྱ་ན་མ་ས་མ་དཱི། མ་ཧ་ཡ་ན་སུ་ཏྲ།། བོད་སྐད་དུ། འཕགས་པ་རབ་ཏུ་ཞི་བ་རྣམ་པར་ངེས་པ་མོ་འཕྲུལ་ཀི་ཏིང་ངེ་འཛིན་དུ་ཅེས
312b3 བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་མིས
312b4 དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུས་འཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་དང་ཐབས་གཅིག་ཏུ
312b5 བཞུགས་པ་ལ་འདི་ལྟ་སྟེ། བྱང་ཆུབ་སེམས་དཔའ་འཇམདཔལ་གཞོན་ནུར་གྱུར་པ་དང་། སྤྱན་རས་གཟིགས་དབང་ཕྱུག་དང་། སྨན་ཀི་རྒྱལ་པོ་དང་། སྨན་ཡང་དག་བྱུང་དང
312b6 སྨན་མངོན་བསྒྲགས་དབྱངས་ཀྱི་རྒྱལ་པོ་དང་། ལཀ་ན་པད་མ་དང་། ཉི་མའི་འོད་དང་། རྡུལ་མྱེད་རྣམ་པར་གནོན་དང་། ངན་སོང་སྤོང་དང་། ཡེ་ཤེས་བླ་མའི་ཡེ་ཤེས་ལྡན་དང་། རིན་ཆེན་བླ་མའི་ཡེ་ཤེས
312b7 ལྡན་དང་། སེམས་ཅན་ཀྱི་སྐད་ཡེ་ཤེས་ལྡན་དང་། མེ་ཏོག་བླ་མའི་ཡེ་ཤེས་ལྡན་དང་། ཟླ་བའི་བླ་མའི་ཡེ་ཤེས་ལྡན་དང་། དྲི་མ་མྱེད་པའི་བླ་མའི་ཡེ་ཤེས་ལྡན་དང་། རྡོ་རྗེ་བླ་མའི་ཡེ་ཤེས་ལྡན་དང་། རྡུལ
312b8 མྱེད་བླ་མའི་ཡེ་ཤེས་ལྡན་དང་། རྣམ་པར་སྣང་བྱེད་བླ་མའི་ཡེ་ཤེས་ལྡན་དང་། སྐར་མའི་རྒྱལ་མཚན་དང་། རི་བོའི་རྒྱལ་མཚན་དང་། ལྷུན་པོའི་རྒྱལ་མཚན་དང་། ཆགས་མྱེད་རྒྱལ་མཚན་དང་། མེ་ཏོག་རྒྱལ
312b9 མཚན་དང་། དྲི་མ་མྱེད་པའི་རྒྱལ་མཚན་དང་། ཉི་མའི་རྒྱལ་མཚན་དང་། མཛེས་པའི་རྒྱལ་མཚན་དང་། རྡུལ་ཕྲ་རབ་རྒྱལ་མཚན་དང་། རྣམ་པར་སྣང་བྱེད་རྒྱལ་མཚན་དང་། སའི་གཟིའི་བརྗིད་དང་། རིན་ཆེན
iiif viewer powered by OpenSeadragon
