| e-texts navigator |
| Wylie |
51b1 སངས་རྒྱས་ཅུང་ཟད་མྱི་སྒྲུང་ཡང་།། དགེ་སློང་བྱང་ཆུབ་ཡན་ལག་སྤྲོས་པ། འདི་ནི་འཇིག་རྟེན་འཐུན་འཇུག་ཡིན།། སྡིག་པ་ཐམས་ཅད་ཡོངས་ཟད་དེ།། བསོད་ནམས་ཀུན་གྱིས་མངོན་འཕགས་ཀྱང་།། ལས་ཀྱི་རྒྱུད་ནི་སྟོན
51b2 མཛད་པ།། འདི་ནི་འཇིག་རྟེན་འཐུན་འཇུག་ཡིན།། སྐྱོབ་པ་སངས་རྒྱས་དུས་གསུམ་ལ།། མཐར་ཐུག་འགྱུར་བ་ཡོད་མྱེད་ཡང་།། མཚམས་གཅོད་པ་ཡང་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།།
51b3 དེ་བཞིན་གཤེགས་པ་ཆོས་སྐུ་སྟེ།། གཅིག་ཅི་འདྲ་བར་དེ་བཞིན་ཀུར།། འོན་ཀྱང་ཐ་སྙད་སྟོན་པ་གང་།། འདི་ནི་འཇིག་རྟེན་འཐུན་འཇུག་ཡིད།། སངས་རྒྱས་རང་སངས་རྒྱས་རྣམས་དང་།། ཉན་ཐོས་སོ་སོའི་སྐྱེ་བོ་དང་།།
51b4 འཁོར་བ་དང་ནི་མྱ་ངན་འདས།། ཚིག་གི་ལས་ཀྱིས་རབ་ཏུ་ཕྱེ།། སངས་རྒྱས་ཡེ་ཤེས་མཐའ་ཡས་ཏེ།། ཆོས་ཀྱི་དབྱིངས་ལས་བྱུ། ང་ཡིན་ཡང་།། སངས་རྒྱས་ཞིང་ནི་སྟོན་མཛད་པ།། འདི་ནི་འཇིག
51b5 རྟེན་འཐུན་འཇུག་ཡིན།། རྫོགས་པའི་སངས་རྒྱས་བསམ་མྱི་ཁྱབ།། དེ་བཞིན་གཤེགས་པ་བསམ་མྱི་ཁྱབ།། སེམས་ཅན་འདུལ་བའི་དོན་ཀྱི་ཕྱིར།། འདི་ནི་འཇིག་རྟེན་འཐུན་འཇུག་ཡིན།།
51b6 ཟག་མྱེད་ཡོད་པ་མ་ཡིན་ཡང་།། དེ་བཞིན་གཤེགས་པ་ཉན་ཐོས་ལ།། ཟག་པ་མྱེད་པ་ཉིད་གསུང་བ།། འདི་ནི་འཇིག་རྟེན་འཐུན་འཇུག་ཡིན།། མཁྱེནད་པས་དེ་དག་གཉིས་མྱིན་ལ།། དུས་གསུམ་དག་ནི་རྣམ་གཟིགས
51b7 ཤིང་།། གཉིས་ཀྱི་འདུ་ཤེས་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། ། སངས་རྒྱས་ཆོས་ཉིད་གང་ཡིན་དང་།། སངས་རྒྱས་རིག་པར་སུ་འདོད་པ།། དེ་ནི་ཆོས་དབྱིངས་ཞུགས་ཤིག་ལ།། འདི་ནི་འཇིག་རྟེན
51b8 འཐུན་འཇུག་ཡིན།། སྐྱེ་བ་མྱེད་པ་བཟོད་རྟེན་པ།། རྟག་ཏུ་ཡང་དག་རབ་ཏུ་མཁྱེན།། མཁྱེན་ནས་རབ་ཏུ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། རྟག་ཏུ་ཆོས་ཀྱི་དབྱིངས་མཚུངས་ཏེ།། འཇུག་པ་མྱེད
51b9 ཅིང་འབྱུང་མྱེད་ཀྱང་།། འགྲོ་དང་གནས་པ་སྟོན་མཛད་པ།། འདི་ནི་འཇིག་རྟེན་འཐུན་འཇུག་ཡིན།། མྱི་སྐྱེ་བ་ལ་གཅིག་པ་འམ།། མང་པོ་ཡོད་པ་མ་ཡིན་ཡང་།། སྣ་ཚོགས་རིམ་པ་སྟོནད་མཛད་པ།། འདི་ནི་འཇིག
iiif viewer powered by OpenSeadragon
