| e-texts navigator |
| Wylie |
87a1 འདི་དག་རབ་ཏུ་འཇམ་པར་གྱུར་ཏོ།།གྱུར་པས་སེམས་ཅན་ཐམས་ཅད་སླར་སྔོན་ཁྱོན་བཞིན་དུ་གྱུར་ཏེ།བཅོམ་ལྡན་འདས་གཤིན་རྗེ་གཤེད་ཆེན་པོ་ལ་སྐྱ་སུ་དོང་ངོ་།།དེ
87a2 ནས་བཅོམ་ལྡན་འདས་ཀྱིས་ཐབས་དང་ཤེས་རབ་ཀྱི་ཕྱག་རྒྱས་མཉེས་པར་བྱ་བ་འདི་གསུངསོ།།རྩེ་གཅིག་མཉམ་པར་གཞག་བྱ་སྟེ།།སྒེག་མོ་གཡོན་དུ་གནས་པར་བྱ།།བསྐུལ
87a3 པའི་ཏིང་འཛིན་བརླན་པ་ལ།།བསྐྱོད་པ་བྱང་ཆུབ་ལམ་དུ་དྲངས།།གནས་ཉིད་བདེར་གཤེགས་སྐྱེས་པའི་རྐྱེན།།རྩེ་མོ་ཨོཾ་ལ་ཕཊ་དུ་བསྟན་ཞེས་གསུངས་པས།ཕྱོགས་བཅུའི་དེ་བཞིན
87a4 གཤེགས་པ་ཐམས་ཅད་རོལ་མོས་མཉེས་པར་གྱུར་ཏེ།།འཕགས་པ་ལས་བཞི་འཁོར་ལོ་གསང་བའི་རྒྱུད་ལས།།གླེང་གཞི་རྩ་བའི་ལེའུ་སྟེ་དང་པོའོ།།།།དེ་ནས་བཅོམ་ལྡན་འདས
87a5 ཀྱིས་ཕྲིན་ལས་ཞི་བར་བྱ་བ་འདི་ཆེད་དུ་བརྗོད་དོ།།རབ་ཏུ་དཀར་བའི་ཡུལ་དག་ལ།།མགུ་བའི་སེམས་དང་ལྡན་བྱས་ཏེ།།དང་བས་མགུ་བོའི་ལས་བྱས་ཞེས།།བླ་མེད་རྒྱལ་བས་རབ་ཏུ
87a6 བཤད།།ས་གཞི་དཀོར་བ་རབ་མཉམ་ལ།།གྲུ་བཞིར་ལྡན་པའི་དཀྱིལ་འཁོར་ལ།།ལྟེ་བར་བཅས་ཤིང་རྩིབ་ས་བརྒྱད་པ།།མཁས་པས་བསྒོམས་ཏེ་བྲི་བར་བྱ།།དཀར་དང་ལྡན
87a7 པའི་ཟླ་བ་ལ།།གཅིག་ནས་གསུམ་ནས་མགོ་བཙུགས་ལ།།ཁམས་གསུམ་རབ་ཏུ་མགུ་བྱའི་ཕྱིར།།ཉམ་སུ་ལོན་པར་བྱས་ལ་བསྒྲུབ།།དབུས་སུ་ཡེ་ཤེས་བདག་པོ་ལ།།ཤར
iiif viewer powered by OpenSeadragon
