| e-texts navigator |
| Wylie |
83b1 བཅོམ་ལྡན་འདས་བཙུན་མོ་དང་གཉི་སུ་མེད་པར་གྱུར།།སྐྱེ་འགག་དང་བྲལ་བའི་དོན་འདི་སྟོན་ཏོ།།དེ་ནས་མ་སྐྱེས་གཤིན་རྗེ་ཆེན་པོའི་ཚོགས།།རྣམ་དག་དབྱིངས་ཀྱི་རང་ཉིད་རྣམ་པར་དག་པ་ལ།།
83b2 གཉིས་མེད་འདུས་པའི་སྲས་མཆོག་གཤིན་རྗེ་གཤེད།།ཐབས་དང་ཤེས་རབ་རྣམ་པར་དག་པུ་ཡི།།ཀུན་གྱི་ཡེ་ཤེས་ཐམས་ཅད་འདུས་པ་སྟེ།།ཐུགས་རྗེ་ཆེན་པོས་འགྲོ་བའི་དོན་མཛད་པ།།སེམས
83b3 ཅན་མ་ལུས་མྱ་ངན་འདས་པའི་ལམ།།ཡེ་ཤེས་ཐམས་ཅད་དེ་ཡི་ངང་ལ་རྫོགས།།འཁོར་བའི་ཉེས་སྐྱོན་ཐམས་ཅད་ཚར་གཅད་ཕྱིར།།འདོད་ཆགས་འདུས་པའི་དཔལ་ལྡན་གར་གྱི་བདག།བྱེ་བ
83b4 ཕྲག་བརྒྱ་དཔག་ཏུ་མེད་པར་ཡང་།།འདུལ་བའི་དབང་གིས་དེ་ལྟ་བུ་ཡི་གཟུགསུ་བསྟན་ཞེས་གསུངས་པོས་འཁོར་གྱི་ཁྲོ་བོ་དང་ཁྲོ་མོ་ལ་སོགས་པ་ཐམས་ཅད་མགུ་བར་གྱུར་ཏོ།།དེ་ནས་བཅོམ་ལྡན
83b5 འདས་འཇམ་དཔལ་གཤིན་རྗེ་གཤེད་ཆེན་པོ་ལ་འདི་སྐད་ཅེས་གསོལ་བ་བཏབ་པོ།།སེམས་ཅན་འཁོར་བས་གདུངས་པ་ལ།།མྱ་ངན་འདས་པའི་ལམ་མཆོག་བསྟན།།བསྟན་པ་དམ་པ་འདི
83b6 གསུངས་པས།།ཐམས་ཅད་སྒྲོལ་བ་ངོ་མཚར་ཆེ་ཞེས་གསོལ་ཏོ།།དེ་ནས་དེ་བཞིན་གཤེགས་པ་ཐམས་ཅད་ཡུམ་དང་གཅིག་ཏུ་འདུས་ཏེ་འདི་སྐད་ཅེས་གསུངསོ།།སྤྲུལ་པའི་སྐུ་དག་ཚད་མེད
83b7 དཔག་ཏུ་མེད།།ཐུན་མོང་མི་ཡིན་འཇམ་དཔལ་གཤིན་རྗེ་གཤེད།།སྐུ་གསུང་ཐུགས་ཀྱི་ཕྲིན་ལས་རྨད་དུ་བྱུང་།།མི་དགེ་བཅུ་དང་མཚམས་མེད་ཚར་གཅད་པ།།ཟུག་རྔུ་མི་མངའ་ཆོས
iiif viewer powered by OpenSeadragon
