| e-texts navigator |
| Wylie |
406a1 གང་ལའང་མི་གནས་པའོ།།རང་བཞིན་ཕྱག་རྒྱ་ཆེན་པོ་ནི།།ཕྱི་ནང་སྣོད་བཅུད་ཐམས་ཅད་ཀུན།།ཐམས་ཅད་ཤེས་རབ་དང་དུ་གནས།།རིགས་ལྔ་བདེར་གཤེགས།
406a2 ཡབ་ཡུམ་དུ།།མ་བཅོས་ཡེ་ནས་དེ་ལྟར་གནས།།ཐབས་དང་ཤེས་རབ་ཉིད་ལ་རོལ།།བདེ་མིནི་མ་ཆགས་ཚོགས་ཆེན་པོ།།ཡང་དག་ཉིད་ལ་རབ་ཏུ་རྫོགས།།ལྷག་པའི་ཕྱག
406a3 རྒྱ་ཆེན་པོ་ནི།།ནང་གི་རྟགས་ནི་ཕྱིར་བྱུང་སྟེ།།མདོར་བསྡུས་ཕྱག་རྒྱ་ཆེན་པོ་དང་།།གཞན་ཡང་ཕྱག་རྒྱ་སྣ་ཚོགས་པ།།ལག་གི་འདུ་འཕྲོ་བསམ་ཡས་དང་།།ཡན་ལག་སྟབས
406a4 ཆེན་བསྐུལ་བསིགས་ཀུན།།ཉིད་ཀྱི་དབྱིངས་ལས་མ་གཡོས་ཀྱང་།།རང་བཞིན་ཉིད་ཀྱིས་དེ་ལྟར་གནས།།འཇོམས་ཤིང་ཅིས་ཀྱང་མི་ཚུགས་པ།།རང་བྱུང་ཆེན་པོ་ལྷ་ཡི
406a5 ལྷ།།ཐམས་ཅད་ཀུན་ལ་འབིགས་པར་བྱེད།།དཔའ་བོ་ཞེས་ཀྱང་གདགས་པར་བྱའོ།།ལས་དང་ལས་ཀྱིས་མི་གོས་པ།།གཉིས་མེད་དབྱིངས་ཀྱི་དོན་རྟོགས་ཤིང་།།མཆགས
406a6 པ་ལ་ཆགས་པ་དང་།།ཤིན་ཏུ་རྣམ་པར་དགུ་པ་ཡི།།དེ་བཞིན་ཉིད་དབྱིངས་དཀྱིལ་འཁོར་ལ།།སྐུ་གསུང་ཐུགས་ལྡན་ཟད་མི་ཤེས།།ཡོན་ཏན་མཱི་ཟད་གཏེར་དུ་འགྱུར།།གཞི་ནི་མི
406a7 ཟད་པར་ལྡན་པའོ།།སྐུ་གསུང་ལས་རྣམས་རྫོགས་བྱེད་པའོ།།རྣམ་པར་རྟོག་མེད་ཚུལ་གྱིས་ནི།།ཐམས་ཅད་ཀུན་ལ་ཆགས་མེད་རོལ།།འདུལ་བའི་དོན་ལན་བསམ་མི་ཁྱབ།།
iiif viewer powered by OpenSeadragon
