| e-texts navigator |
| Wylie |
387a1 ཀུན།།མཉམ་པའི་དབྱངས་དང་རིགས་པར་སྦྱོར།།ཡང་ན་ཤེས་རབ་དབྱིངས་ལ་ལ།།བདེ་གཤེགས་དཀྱིལ་འཁོར་ཀུན་བཀོད་ལ།།བདག་ཉིད་རིག་པའི་ལྟར
387a2 བསྒོམས་ཏེ།།གཉི་སུ་མེད་པར་ལྡན་པར་བྱ།།རྡོ་རྗེ་དྲིལ་བུ་ལྡན་གྱུར་ནས།།བྱང་ཆུབ་པདྨ་ཤིན་ཏུ་སྤྲོ།།ཕྱོགས་དུས་དཀྱིལ་འཁོར་མཉེས་པ་དང་།།འགྲོ་བ་མང་པོ་བདེ་ཐོབ་ནས།།སླར།།
387a3 ཡང་གཉིས་མེད་དབྱིངསུ་བསྟིམ།།ཐིམ་འགྱུར་དབྱིངས་ནས་ཕྱག་རྒྱར་འབར།།བདེར་གཤེགས་ཐབས་དང་ཤེས་རབ་རྫོགས།།ཕྱག་རྒྱ་དྲུག་ཀྱང་ཡང་དག་རྫོགས།།བསོད་ནམས
387a4 ཚོགས་ཆེན་གཉིས་ཀྱང་རྫོགས།།ཐམས་ཅད་དབྱིངསུ་འབྱོར་པས་ན།།ངན་འགྲོ་མི་ལྟུང་ཡང་དག་འགྲུབ།།འདི་ནི་བསྒྲལ་བ་ཆེན་པོ་ཡིན།།སྒྲོལ་བ་ཉིད་ནི་སྦྱོར་བ་ཡིན།།སྦྱོར་བ
387a5 ཉིད་ནི་མ་ལུས་བསྒྲལ།།ཐམས་ཅད་མ་ལུས་པར་བསྒྲལ་བྱེད་ཅེས་བྱ་བའི་དམ་ཚིག་ནི།།ཕྱི་ནང་སྣོད་བཅུད་ཇི་སྙེད་པ།།གནས་པའི་སེམས་ཅན་མ་ལུས་ཀུན།།བདག་ཉིད་ཆེན་པོར
387a6 རྟོགས་པ་ཡིས།།དབྱངསུ་ཡང་ནི་བསྒྲལ་བར་བྱ།།ཤིན་ཏུ་ཁྲོ་བོ་ཆེན་པོ་ཡིས།།ཐབས་ཀྱིས་ལྷ་ཆེན་བསྒྲལ་བ་ལྟར།།ཆོས་ཉིད་རྟོགས་པའི་ཏིང་འཛིན་གྱིས།།གཉིསུ་མེད
387a7 པར་ཐབས་ཀྱིས་བསྒྲོལ།།ཐུགས་རྗེ་ཆེན་པོའི་བྱིན་རླབས་ཀྱིས།།ལམ་ལྔའི་སེམས་ཅན་ཀུན་བཀུག་ནས།།ཐམས་ཅད་མ་ལུས་བསྒྲལ་བར་བྱ།།རི་རབ་ཆེན་པོའི་གླིང་བཞི་ལ།།
iiif viewer powered by OpenSeadragon
