| e-texts navigator |
| Wylie |
386a1 པའི་བློ་ལས་བྱུང་།།ཆོས་དབྱིངས་ཟབ་མོའི་དོན་རྟོགས་ན།།སྐུ་དང་ཡེ་ཤེས་བསམ་མི་ཁྱབ།།རང་རིག་ཡེ་ཤེས་དོན་རྟོགས་ན།།སྐྱེ་ཤི་མེད་པའི་གཡུང་དྲུང་ཐོག།
386a2 བྱང་ཆུབ་སྡོམ་བྱེད་ཅེས་བྱ་བའི་དམ་ཚིག་ནི།།གཟུང་འཛིན་བྲལ་བའི་ཡེ་ཤེས་ཀྱིས།།ཆགས་མེད་དབྱིངས་ལ་མཉམ་བཞག་ན།།ཐམས་ཅད་དེ་བཞིན་ཉིད་ཀྱི་ཞིང་།།ཉོན་མོངས་སྡུག
386a3 བསྔལ་འབྱུང་མི་འགྱུར།།ཆོས་ཀྱི་རང་བཞིན་ཇི་ལྟ་བུར།།བདག་གིས་ཡང་དག་རྫོགས་བྱས་ཏེ།།ཐེག་པ་དམན་དང་ཕྱིན་ཅི་ལོག།ཐམས་ཅད་མཉམ་པའི་དབྱིངསུ་དགོད།།ཕྱོགས
386a4 དུས་གཉིས་མེད་ཅེས་བྱ་བའི་དམ་ཚིག་ནི།།ཕྱོགས་བཅུ་དུས་བཞི་ཐམས་ཅད་ཀྱང་།།རྟོགས་པའི་མཚན་མ་སོ་སོར་སྣང་།།སྣང་བ་ཉིད་ན་དབྱེར་མེད་དེ།།མཐའ་དང་དབུས་མེད
386a5 ཟླུམ་པོ་ཡི།།དེ་བཞིན་རང་གིས་རིག་པ་ཡང་།།མཐའ་དང་དབུས་མེད་དུ་མ་མིན།།གང་དུ་མོ་འགྲོ་ཀུན་ཏུ་ཁྱབ།།ཀུན་ལ་བདེ་སྦྱིན་མི་གནས་པའོ།།ཐམས་ཅད་འབྱོར་ལྡན་ཞེས་བྱ་བའི
386a6 ད་མ་ཚིག་ནི།།ཆོས་རྣམས་སོ་སོར་རྟོགས་བྱས་ཤིང་།།ཐམས་ཅད་གཉིས་མེད་དབྱིངས་ཤེས་ན།།མི་ཟད་པར་ལྡན་རྒྱན་ཐོབ་སྟེ།།ཀུན་ཏུ་ཟད་མེད་རིན་ཆེན་གཏེར།།དེ་བཞིན་ཉིད་ལ
386a7 གནས་བཅས་ན།།ཉོན་མོངས་སྡུག་བསྔལ་མི་འབྱུང་སྟེ།།རྟག་ཏུ་བདེ་གནས་བྱང་ཆུབ་ཉིད།།མཚན་དང་དཔེ་བྱད་ཀུན་དང་ལྡན།།ཐབས་ཉིད་ཤེས་རབ་ཅེས་བྱ་བའི་དམ་ཚིག་ནི།།ཇི་ལྟར།
iiif viewer powered by OpenSeadragon
