| e-texts navigator |
| Wylie |
278b1 རྒྱས་པའི་གཞལ་ཡས་ཁང་།།དབུས་མཐའ་མེད་པར་རྒྱས་པར་གནས།།སྟོང་སྨོན་མཚན་མེད་འོདྲ་གསལ་འཇུག།དེ་ཕྱིར་ཡེ་ཤེས་སྒོ་བཞིར་བཤད།།དེར་འགྲོ་ལམ་སྟོགས་བརྒྱད་དང་ལྡན།།
278b2 རང་བཞིན་ཡེ་ནས་འོད་གསལ་ཕྱིར།།ཉི་ཟླ་བརྩེགས་པའི་གདན་ཁྲི་འབར།།ཡེ་ནིས་རྣམ་པར་དག་པའི་ཕྱིར།།མ་ཆགས་པདྨོ་འབར་བའི་གདན།།ཟག་མེད་ཡེ་ཤེས་གཏེར་གྱུར་པས།།ཡིད་བཞིན
278b3 རིན་ཆེན་འབར་བའི་གདན།།ཡེ་ནས་མཉམ་ཉིད་མི་འདའི་ཕྱིར།།ཏ་ལའི་ལྗོན་ཤིང་རང་བཞིན་གནས།།རེ་བ་ཡིད་བཞིན་སློང་བའི་ཕྱིར།།དཔག་བསམས་ཤིང་གི་རིན་ཆེན་འབར།།ཡིད་བཞིན
278b4 རིན་ཆེན་བརྒྱན་གྱིས་བསྐོར།།ཐམས་ཅད་ལ་ནི་དབང་སྒྱུར་ཕྱིར།།འཇིག་རྟེན་ལྷ་ཆེན་རྣམས་ཀྱིས་བསྐོར།།གསང་བའི་དེ་ཉིད་ངེས་པ་ལས།།འཕྲུལ་ཆེན་བཞི་བཅུ་རྩ་གཉིས་ཀྱིས།།ཐམས
278b5 ཅད་ལྷ་ཉིད་རྟག་ཏུ་སྦྱོར།།ཐམས་ཅད་མ་ལུས་དཀྱིལ་འཁོར་མཆོག།འདི་ནི་རང་བཞིན་དཀྱིལ་འཁོར་དང་།།གཟུགས་བརྙན་ལྷག་པའི་དཀྱིལ་འཁོར་གསུམ།།
278b6 ཏིང་འཛིན་ལྷག་པའི་དཀྱིལ་འཁོར་དག།བྱང་ཆུབ་སེམས་དང་ཚོགས་མཆོག་བརྟེན་ཞེས་ཉིད་ལ་ཉིད་བཤད།།གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བའི་དཀྱིལ
278b7 འཁོར་བསྡུས་ནས་ལྷག་པའི་གཟུགས་བརྙན་བསྟན་པའི་ལེའུ་སྟེ་དགུ་པའོ།།།དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་གཅིག་དང་དུ་མ་མེད་པ་བདག་ཉིད་ཐམས
iiif viewer powered by OpenSeadragon
