| e-texts navigator |
| Wylie |
276b1 པདྨ་སྤྱན་ཡང་རྫོགས།།ཡི་གེ་ཕྲེང་བ་འཁོར་ལོ་བསམ་གྱིས་མི་ཁྱབ་པ།།ཡང་དགྲ་རྫོགས་ཆེན་ཐབས་དང་ལྡན།།ཐབས་དང་ཤེས་རབ་བླ་མེད་ས་ཡང་རྫོགས།།བསོད་ནམས་ཡེ་ཤེས་ཚོགས་ཆེན་རྗེ
276b2 པར་རོལ།། ལ་ལ་ཧོ།།དེ་བཞིན་ཉིད་ཀྱི་གསང་མཆོག་ལས།།ཁམས་ནི་ཉི་ཤུ་རྩ་གཅིག་སྟེ།།བཅོ་བརྒྱད་པོ་ནི་རྒྱུད་གཞན་བཞིན།།གསུམ་ནི་དེ་བཞིན་ཀུན་གྱི་བདག།བཅོ་བརྒྱད་འབྱུང་བའི
276b3 གནམ་ཡིན་ཏེ།།བྱང་ཆུབ་འགྲུབ་པའི་ཞིང་ཡང་ཡིན།།བདེ་བ་འབྱིན་པའི་རྒྱུ་ཡང་ཡིན།།གསང་བའི་མཚན་ཉིད་བརྗོད་པ་ནི།།དབང་པོ་རྡོ་རྗེ་གསང་བའི་རྒྱལ།།ཡུལ་ནི་པདྨ་བདེ་མཆོག་དབྱིངས
276b4 སེམས་ནི་བྱང་ཆུབ་འབྱུང་བའི་གཏེར།།དབང་པོ་ཡུལ་སེམས་ལྡན་གྱུར་ནས།།གསང་བ་མཆོག་གི་འཕྲུལ་ཆེན་སྤྲོ།།དཀྱིལ་འཁོར་རྡུལ་རྙེད་གྲངས་མེད་དང་།།ཕུན་སུམ་ཚོགས་པའི་ལྷུན་གྲུབ།།
276b5 རྣམས་གསང་བ་མཆོག་གིས་འབྱིན་པར་བྱེད།།འདི་ནི་རྗེ་གཅིག་ཡིན་པར་གསུངས།།གསང་བའི་དོན་མཆོག་འདི་དག་ནི།།ལྟ་བ་དམན་ལ་བཤད་བྱས་ན།།དུས་མིན་པར་ནི་སྲོག་ཟད་ནས།།
276b6 མགོ་འགས་སྙིང་ཡང་ཚིག་པར་འགྱུར།།ཁབ་ལན་གྱིས་ནི་ལྕགས་སྡུད་ལྟར།།མི་འདོད་བཞིན་དུ་དབང་མེད་པར།།ངན་སོང་མི་ཁོམས་བསྐལ་པར་བརྒྱུད་པར་འགྱུར།།དེ་བས་འདི་ནི་ཤིན་ཏུ།
276b7 གསང་བར་བྱ།།ཤེས་རབ་རྒྱ་ཆེན་བློ་ཟབ་ཡངས་པ་ཡིས།།བློ་བརྟན་སྙིང་རྗེ་ཆེ་དང་དད་ལྡན་དང་ཚུལ་བཟང་ལ་བརྟན།།གཞན་དུ་ནམས་ཀྱང་སྦྱིན་མི་བྱ་ཞེས་ཉིད་ལ་ཡང་ཉིད་བརྗེད།།
iiif viewer powered by OpenSeadragon
