| e-texts navigator |
| Wylie |
158b1 དཀྱིལ་འཁོར་ལས་བྱུང་བ།།ཐུགས་ཀྱི་དཀྱིལ་འཁོར་དཀྱིལ་འཁོར་མཆོག།གསང་བའི་ཐིག་ལེ་དཀྱིལ་འཁོར་དབྱིངས།།འབྱུང་བ་ཤེས་རབ་རིགས་ཀྱི་ཡུམ།།ཆེན་པོ་རིགས་ཀྱི་དེ་བཞིན
158b2 ཏེ།བྱང་ཆུབ་སེམས་ནི་རྡོ་རྗེའི་ཚོགས།།དབང་པོ་ཡུལ་དུས་རིག་པ་རྣམས།།ཀུན་ཏུ་བཟང་པོའི་དཀྱིལ་འཁོར་ལ།།བདག་ཉིད་ཆེན་པོ་ལྷག་པ་ཡིས།།ཐུགས་ཀྱི་ཡེ་ཤེས་ལྔས
158b3 བལྟས་ཤིང་།།སྙིང་པོ་ཐིག་ལེ་མཉམ་སྦྱོར་བ།།བདེ་བའི་ཡེ་ཤེས་རོལ་མོ་ཡིས།།ཡེ་ཤེས་དགྱེས་ལ་མཆོད་པར་འབུལ།།ཟག་པ་མེད་པའི་བསོད་ནམས་ཀྱིས།།ཡེ་ཤེས་སྒྱུ་མར་རང་སྣང་བའི།།
158b4 རོལ་མོ་དཀྱིལ་འཁོར་མཐའ་ཡས་མཆོག།གསང་བའི་ཐིག་ལེ་ཉིད་ཀྱི་དབྱིངས།།དེ་ནི་སངས་རྒྱས་ཀུན་གྱི་དངོས།།ཕྱོགས་བཅུ་དུས་བཞི་མངོན་རྫོགས་པའི།།སྐུ་གསུང་ཡོན་ཏན་ཕྱིན
158b5 ལས་ཐུགས།།མ་ལུས་བདག་ཉིད་ཞལ་མཐོང་བའི།།དབང་སྒྱུར་མཆོག་ཉིད་དམ་པ་ཡིན།།དཀྱིལ་འཁོར་ལ་གནས་དཀྱིལ་འཁོར་ཉིད།།རྫོགས་པའི་དཀྱིལ་འཁོར་ལྷུན་གྱིས
158b6 གྲུབ།།རྒྱན་དུ་དཀྱིལ་འཁོར་མ་ལུས་ཐོགས།།རྫོགས་པའི་དཀྱིལ་འཁོར་མཉམ་སྦྱོར་ལས།།ཐུགས་རྗེའི་དཀྱིལ་འཁོར་ཡོངས་ཀྱིས་འབྱུང་།།ཕྱོགས་དུས་དཀྱིལ་འཁོར
158b7 འདུལ་བའི་མཆོག།སྒྱུ་མའི་དཀྱིལ་འཁོར་སྒྲོལ་བ་ཡིས།།བྱ་བྱེད་མེད་པར་དཀྱིལ་འཁོར་སྤྱོད།།ཡེ་ཤེས་རྫོགས་པའི་དཀྱིལ་འཁོར་ལ།།ཐོས་བསམ་སྒོམ་པ་མཉམ་སྦྱོར
iiif viewer powered by OpenSeadragon
