| e-texts navigator |
| Wylie |
147a1 ཁོ་ན་ཉིད་ངེས་པ་ལས་སྒྱུ་འཕྲུལ་བསྒྲུབ་པའི་ལེའུ་སྟེ་ལྔ་པའོ།།།དེ་ནས་དེ་བཞིན་གཤེགས་པ་ཐམས་ཅད་ཀྱི་རང་བཞིན་གཅིག་དང་དུ་མ་མེད་པ
147a2 བདག་ཉིད་ཆེན་པོ་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་འབྱུང་བར་བཞེད་ནས་ཆེད་དུ་བརྗོད་པ་འདི་བརྗོད་དོ།།ཡེ་ཤེས་ཕྱོགས
147a3 བཞི་དབུས་བརྟགས་ཏེ།།དཀྱིལ་འཁོར་བསམ་ཡས་ལྷུན་གྱིས་གྲུབ།།རྫོགས་ཆེན་རྟོགས་པའི་རྣལ་འབྱོར་པས།།ཀུན་འབྱུང་དཀྱིལ་འཁོར་ཆེན་པོར་སྤྱོད།འཁོར་ལོ་རྩིབས
147a4 བཞི་མུ་ཁྱུད་བཅས།།གྲུ་ཆད་བཞིས་བརྒྱན་པར་ཁྱམས་ལྡན།།ཀུན་དུ་གྲུ་བཞི་སྒོ་ཁྲུད་ལྡན།།རོལ་མོ་སྣ་ཚོགས་སྤྲིན་སྤུང་བཞིན།།དཀྱིལ་འཁོར་བཞི་བཅུ་གཉིས་ཀྱིས
147a5 བརྒྱན།།སེང་གེ་གླང་ཆེན་རྟ་དང་ཁྲུང་།།ན་མཁའ་ལྡིང་གི་ཁྲི་ཆེན་ལ།།ཉི་ཟླ་པདྨ་རིན་པོ་ཆེ།།གདན་ལ་རྫོགས་དང་སེམས་དའི་ཚུལ།།འཁོར་ལོ་རྒྱལ་པོ་རྒྱལ་མོ་དང
147a6 གཡས་ན་མཐོང་ཐོས་སྣོམ་པ་དང་།།མྱོང་དང་བཙུན་མོའི་ཆོགསུ་བཅས།།གྲུ་ཚོད་ལ་ནི་མཐོང་བྱེད་དང་།།ཐོས་བྱེད་སྣོམ་བྱེད་མྱོང་བྱེད་རྣམས།།བཙུན་མོའི་ཚོགས
147a7 དང་བཅས་པར་གནས།།བར་ཁྱམས་ལ་ནི་ཐུབ་དྲུག་དང་།།མདུན་དང་རྒྱབ་ན་བྱེད་པ་དང་།།བྱ་བོ་དག་ནི་གནས་པོར་བསྟེན།།སྒོ་ཁྱོད་བཞི་ལ་འཇོམས་པ་ནི།།བཙུན་མོ
iiif viewer powered by OpenSeadragon
