| e-texts navigator |
| Wylie |
139a1 འཛིན་པ་མི་རྟོག་ཤ་རུས་ཁྲལ་ལ་རོལ།།ཐུགས་ཀྱི་གདུང་ཐག་འཁོར་བའི་ཐལ་རྫ།།ཡུལ་མེད་མ་སྐྱེས་མཚན་མའི་གཡུལ་ལས་རྒྱལ།།བདེ་མཆོག་རྒྱལ་དུ
139a2 ཁྱོད་ལ་ཕྱག་འཚལ་བསྟོད།།ཤེས་རབ་ཆེན་པོ་ནམ་མཁའི་ཉི་མར་གསལ།།བྱང་ཆུབ་སེམས་ཀྱི་འོད་ཟེར་དབྱིངས་སུ་འཆ་རོ།།དཔའ་བརྟུལ་མྱུར་བའི་ཤུགས་ཀྱིས་འགྲོ་དྲུག་སྒྲོལ།།
139a3 རྟོགས་འཇོམས་ཡེ་ཤེས་རྡོ་རྗེ་ཆོ་འཕྲུལ་འཕྲོ།།དམ་པའི་དོན་གསུངས་གཉིས་མེད་སྟོན་པའི་སྐུ།།སྨྲ་བའི་སེང་གེ་ཁྱོད་ལ་ཕྱག་འཚལ་ལོ།།རིན་ཆེན་གཏེར་ལྡན་འདོད་དགུར་ཀུན་སྐོངས
139a4 ཞིང་།།ལུང་དང་རིག་པ་གཏན་ཚིགས་ཀུན་གྱི་མཛོད།།བརྡ་ཅན་ཡང་དག་ལེན་པའི་མེ་ལོང་གསོལ།།རྡོ་རྗེ་ཀུན་འདུས་འཇིགས་བྱེད་རྒྱལ་བའི་རྒྱུད།།ཆོས་ཀྱི་མེ་ལོང་འདི་ལ་བདག་ཅག
139a5 འདུད།།རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ངོ་མཚར་བསྟོད་པའི་ལེའུ་སྟེ།སུམ་ཅུ་རྩ་གསུམ་པའོ།།།།རྒྱུད
139a6 རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་རྫོགས་སོ།།།།རྒྱ་གར་སྐད་དུ།ཤྲཱི་ར་གུ་ཧྱ་གརྦྷ་ཏ་ཏཱ་བི་ནི་ཤྭཱ་ཡ།བོད་སྐད་དུ།
139a7 དཔལ་གསང་བའི་སྙིང་པོ་དེ་ཁོ་ན་ཉིད་རྣམ་པར་ངེས་པ།བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།།འདི་སྐད་བཤད་པའི་དུས་ན།དེ་བཞིན་གཤེགས་པ
iiif viewer powered by OpenSeadragon
