| e-texts navigator |
| Wylie |
122a1 བསྐོར་བར་བྱ།།རྡོ་རྗེ་རབས་བསྐོར་བ་ཡི།།མཐའ་མ་བློ་ཁྱུད་འབར་བར་བྱ།།དབུས་རིན་ཚོན་ཟུར་བརྒྱད་བྱ།།དེང་ནི་ཕྱག་རྒྱ་འབར་བར་དྲགོད།།ལངྐ་བསྒྲལ་བའི་གནས་མཆོག་འདྲིར།
122a2 རུལ་པ་ཅན་གྱི་ཚོགས་འདུས་ཏེ།།རཀྵ་འཇོམས་པའི་མཐུ་ཆེན་ཀུན།།སྲིད་པ་གསུམ་རིལ་འདིར་སྒྲོལ་བའོ།།དུས་བཞི་མཆོད་པའི་ངམ་རྫོས་ཀྱིས།།དེ་དག་ཇི་ལྟར་རེག་པར་མཆོད།།དུས་བཞི་བཅུད་སྨིན།
122a3 སྙིང་པོ་ཡིས།།དངོས་གྲུབ་ཆེན་པོའི་རྗེས་བྱ།།ཕྱོགས་བཞི་དབུས་ཀྱི་རྫས་ཆེན་རྣམས།།རྨ་དུ་བྱུང་བའི་རལ་པ་ཅན།།འབྱུང་བ་ལྔ་ལ་དབང་བསྒྱུར་མཛད།།འབྱུང་བ་ལྔ་ཡི་ཆོ་འཕྲུལ་སྒྲུབ།།དཔྱིར།།
122a4 ཆུ་སྟོན་མེ་དགུན་ས་སྟེ།།དཔྱིད་རླུང་ན་མཁའ་གསང་བར་སྦྱར།།ཆོ་འཕྲུལ་དེ་ལ་དབང་ཐོབ་ནས།།དེ་དག་རལ་བ་ཅན་ལ་བསྒྲུབ།།ཏིང་འཛིན་རྣམ་པ་ལྔ་གསལ་བས།།འབྱུང་ལྔ་ལས་བྱུང་ཤ
122a5 རིགས་ལྔ།།ཁྱི་ཤ་བ་ལང་རྟ་ཤ་དང་།།བྱ་དང་རི་དགས་སྣ་ཚོགས་ནི།།རྫུ་འཕྲུལ་ཤུགསུ་སྒྲུབ་པའི་རྫས།།བསྒྲུབ་པའི་རྫས་ཚན་འབྱུང་ཆེན་ལྔ།།འཇིག་རྟེན་ཀུན་ལ་དབང་བསྒྱུར་བའི།།དེ
122a6 ལྟར་རྫས་རྣམས་འབྱོར་པ་དང་།།ཏིང་འཛིན་སྒོམ་དང་བསྒྲུབ་པ་དང་།།ཐམས་ཅད་གོང་དང་འཐུན་སྦྱར་ནས།།འཇུག་དང་དངོས་གྲུབ་དབང་ཆེན་རྣམས།།ཅི་རིགས་པར་ནི་བདེ་བར་སྦྱར།།ཞེས
122a7 གསུངསོ།།བདུད་རྩི་རང་བྱུང་དཀྱིལ་འཁོར་ཞེས་བྱ་བའི་མདོ་བཤད་པའོ།།དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུང་སོ།།འདུས་པ་ཆེན་པོའི་རྣལ་འབྱོར་པ།།གཞོན་ཡང་བདུད
iiif viewer powered by OpenSeadragon
