| e-texts navigator |
| Wylie |
121a1 དམར་པོ་རྒྱས་པར་བྱ།།དེ་ནས་ཟིང་ནག་གྲུ་གསུམ་བརྩིག།དེ་ནས་དམར་ནག་ཟླ་བམ་བྱ།།ཟླ་གམ་དབུ་སུ་དཔལ་ཆེན་འབར།།དབང་ཕྱུག་གནས་བརྒྱད་ཟླ་གམ་མཐའ།།བང་རིམ་པར།
121a2 ལ་དུར་ཁྲོད་འབར།།མཐའ་མར་དམར་པོ་གྲུ་བཞི་ལ།།སྒོ་བཞི་སྒོ་སྲུངས་བཅས་པར་བྱ།།དེ་ཡི་མཐའ་མ་མེ་རིས་བསྐོར།།ཁྲོ་བཅུ་འབར་བའི་རྟགས་རྣམས་དགོད།།བསྒྲུབ་དང་འཇུག་དང་དབང་བསྐུར
121a3 རྣམས།།གོང་མ་བཞིན་དུ་སྦྱིན་པར་བྱ།།དེས་ནི་ཐམས་ཅད་རྫོགས་པ་ཡིན།།དུག་གསུམ་ཐམས་ཅད་ཟིལ་གྱིས་གནོན།།ཞེས་གསུངསོ།།རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ།།
121a4 ལས་དུག་གསུམ་དབང་སྒྱུར་བ་ཞེས་བྱ་བ་སྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ།།།།དེ་ནས་སེམས་དཔའ་རྡོ་རྗེ་དམ་པ་དེས་བུད་མེད་ཐམས་ཅད་དབང་བསྒྱུར་བ་ཞེས་བྱ་བའི་ཀྱིལ་འཁོར་ཆེན་པོ
121a5 འདི་གསུང་སོ།།འདུས་པ་ཆེན་པོའི་ཚོགས་ཆགས་པ་ཐམས་ཅད་དབང་དུ་འདུ་བར་འདོད་ན་འདི་ལྟར་བྱའོ།།བུད་མེད་ཆགས་པའི་རང་བཞིན་ཏེ།།ཆགས་པ་ཁྲིག་རྒྱ་མཚོ་ཡིན།།ལས་ཀྱི་འཁོར་བའི་སེཾན
121a6 རྣམས་ཆགས་པ་ཁྲག་རྒྱ་མཚོར་བྱིང་།།ཆགས་ལས་རྣམ་གྲོལ་འགོག་པ་སྟེ།།ཆགས་པ་དེ་ཉིད་ཁྲག་ཅེས་བྱ།།ཁྲག་རྒྱ་མཚོ་བསྐུམ་པའི་ཕྱིར།།བུད་མེད་ཁྲག་རྒྱ་མཚོ་རྣམས།།འཚོ་བ་བདུད
121a7 རྩིའི་རྒྱ་མཚོར་བསྒྱུར།།དེ་ལྟར་ཤེས་པར་གྱུར་པ་དང་།།ཀུན་རྫོབ་ཚུལ་དུ་འདི་ལྟར་སྦྱར།།ལས་ཀྱི་བརྩམ་པ་ཕུན་སུམ་ཚོགས།།རིམ་པ་བཞིན་དུ་བརྩམས་ནས་ཀྱང་།།མཎྜལ་འདོམ་གང་གྲུ་བཞི
iiif viewer powered by OpenSeadragon
