| e-texts navigator |
| Wylie |
120b1 ཡེ་མཐའ་རིམ་ཡོངས་ཟདདུ།།ཟླ་གམ་གསལ་བའི་མཎྜལ་བྱ།།དེ་དག་མེ་ཀློད་འབར་བར་བསྐོར།།ཡ་ཐོག་ཟླ་གམ་སྟེང་དག་ཏུ།།དཔལ་དང་ལྡན་པའི་ལྷ་མཆོག་བཞུགས།།མཐིང་ནག་གྲུ་གསུམ་དཔུང་བྲི།།གླུ
120b2 བཞིའི་དམར་པོ་བང་རིམ་ལ།།རིགས་བཞི་ལྷ་མཆོག་དང་ལྡན་གཞག།ཡན་ལག་མགོ་མཚན་གཡས་གཡོན་བརྒྱད།།དབང་ཕྱུག་གནས་ཀྱི་བདག་མོ་བརྒྱད།།བྲི་བྱ་ཡང་ན་མཚན་མ་གཞག།ཚིགས
120b3 ཆེན་བརྒྱད་ལ་ཡུལ་བདག་བརྒྱད།།ཇི་ལྟར་འོས་པ་དེ་ལྟར་བྱའོ།།སྒོ་བཞིར་གསང་བ་སྒོ་མར་གཞག།མཐའ་ཟད་ཡོངས་ཀྱི་ཟླ་གམ་ལ།།བུད་མེད་ཉི་ཤུ་རྩ་བརྒྱད་གཞོག།མིང་དམ་མཚན་མ་བརྟེན་ཏེ
120b4 གཞག།དེ་ཡེ་ཁ་ལ་ཐབ་ཏུ་བརྩིགས།།པདྨ་དཔལ་བེའུ་དབྱིངས་འདྲ་ཐབ།།མཁས་པས་ཡམ་ཤིང་བརྩམ་པར་བྱ།།བྱ་བར་བྱ་བ་ཐམས་ཅད་ཀུན།།རྒོང་དུ་སྦྱོར་བ་དེ་ལྟར་སྦྱོར།།ཞེས་གསུང་སོ།།རྒྱུད་ཀྱི
120b5 རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་འཁོར་བ་ཐམས་ཅད་སྒྲོལ་བ་བསྒྲུབ་པ་ཞེས་བྱ་བའི་ལེའུ་སྟེ་ཉི་ཤུ་རྩ་གཅིག་པའོ།།།དེ་ནས་ཡང་སེམས་དཔའི་རྡོ་རྗེ་དེས་དུག་སུཾ།།
120b6 ཐུགས་དབང་སྒྱུར་བ་ཞེས་བྱ་བའི་མདོ་འདི་གསུང་སོ།།འདུས་པ་ཆེན་པོའི་རྣལ་འབྱོར་པ།།དུག་གསུམ་དབང་དུ་སྒྱུར་བ་ཡང་།།འདི་ལྟར་ཁོང་དུ་ཆུད་པར་བྱ།།དུག་གསུམ་རང་བཞིན་གང་ཡིན་པ།།སྐུ་གསུམ
120b7 ཉིད་ཀྱི་ངོ་བ་སྟེ།།གཞནས་བཙལ་བ་ཅི་ཡང་མེད།།དེ་ལྟར་ཤེས་པར་འགྱུར་བ་དང་།།ཀུན་རྫོབ་ཚུལ་དུ་འདི་ལྟར་བསྒྱུར།།ཐམས་ཅད་གོང་མོ་བཞིན་སྦྱར་ལོ།།སྟེགས་དུ་འདོམ་གང་བཞིག་ལ།།ཕྱིར
iiif viewer powered by OpenSeadragon
