| e-texts navigator |
| Wylie |
12b1 ལམ་བརྩོན་དང་།།ལྕེ་ཡི་དབང་པོ་དག་རྙིང་ཚིག་བཙུན་ལ།།རིག་པའི་གཏེར་ལྡན་སྒྲ་ལ་ཐོགས་མེད་དང་།།བདེ་གཤེགས་སྤོབས་པ་ཉེ་བར་སྒྲུབ་དུ་གསོལ།།རིག་པའི་ཡུམ་གྱི
12b2 རང་བཞིན་རྟོག་ལས་དབེན།།སྙན་པའི་རྒྱལ་མཚན་དགའ་བའི་ཤུགས་ཀྱིས་བསྐྱེད།།མཁའ་ལ་སྣ་ཚོགས་རྣམ་པར་དྲི་འདོད་ལྟར།།མཚན་ཉིད་རྟོགས་དཀའ་ཡོན་ཏན
12b3 གཏིང་མཐའ་མེད།།ན་མོ་བྷ་ག་པ་ཏེ།པྲཧྨ་ཎེ།ན་མཿས་ར་སྭ་ཏྱཻ་ད~ཾ་བི་སིད་དྷཱནྟྲ་མནྟོ་པཱ་ད་ཏཾ་བྲདྡྷཱ་ནུ་མནྟྲི་སྭཱཧཱ།།དཔལ་ལྷ་མ་སྒྲ་དབྱངས་ལ་བསྟོད་པ་རྫོགསོ།།།།རྒྱ་གར་སྐད
12b4 དུ།ཨཱརྱ་ཤྲཱི་མ་ཧཱུ~ཾ་དེ་བི་བྱཱ་ཀ་ར་ཎ།བོད་སྐད་དུ།འཕགས་པ་ལྷ་མ་ཆེན་མོ་དཔལ་ལུང་བ་སྟོན་པ།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚའོ།།
12b5 འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན་འདས་བདེ་བ་ཅན་ན་བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ།བྱང་ཆུབ་སེམས་དཔའ་སེམས་དཔའ
12b6 ཆེན་པོ་སྤྱན་རས་གཟིགས་དབང་ཕྱུག་དང་།བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་པ་དང་།བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས
12b7 ཅད་རྣམ་པར་སེལ་བ་དང་།བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དང་།བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་།བྱང་ཆུབ
iiif viewer powered by OpenSeadragon
