| e-texts navigator |
| Wylie |
174a1 དག་མ་དག།མུ་དག་མི་དགེ་བཅུ་ལས་དྲན་སྟོང་གྲུབ།།དག་པའི་དགེ་བ་བཅུ་ལས་མཐོ་རིས་གྲུབ།།ལས་འདི་དགེ་བ་དང་པོར་རབ་སྦྱངས་པས།།གོང་ནས་གོང་།
174a2 མའི་ས་ལ་རབ་གནས་ཀྱང་།།དགེ་བཅུའི་རྟགས་ནི་དམན་པའི་ཞིང་འདིར་བསྟན།།གདུགས་པའི་ཚུལ་ཅན་འགྲོ་བ་འདྲེན་མཛད་མ།།བསྟོད་པར་འོས་པ་ཁྱོད་ལ་ཕྱག་འཚལ་བསྟོད།།
174a3 དེ་ནས་དཔལ་ལྷ་མོ་ནག་མོ་ཆེན་མོ་ལ།།གནོད་སྦྱིན་གྱི་རྒྱལ་པོ་རྣམ་ཐོས་སྲས་ཀྱིས་ལམ་རྣམ་པ་ལྔའི་ཚུལ་གྱིས་བསྟོད་པ།དམ་པ་རྣམས་ཀྱིས་བགྲོད་པའི་ཁྱད་པ་ནི།།ཚོགས་ཀྱི
174a4 སྦྱངས་པའི་དོན་དམ་མཐོང་བ་ཡིས།།གཉེན་པོ་ཡེ་ཤེ་ས་རིམ་པར་བསྒོམ་པ་ལ།།མཐར་ཕྱིན་པ་ལ་གཤེགས་པའི་དོན་མཆོག་ལགས།།དེ་བས་ལྷ་མོ་ཁྱོད་ཀྱི་མཚན་ཉིད་ནི།།
174a5 འོདི་ལྟར་རབ་ལྡན་ཁྱོད་ཀྱི་ཁྱད་པར་ཏེ།།དང་པོའི་ཚོགས་ལས་ཡང་དག་རབ་བསགས་པས།།དང་པོ་ས་ལས་སྦྱོར་བའི་ཏིང་འཛིན་བརྙེས།།རབ་ཏུ་དགའ་བའི་ས་ལ་དོན་དམ་ནི།།རྣར
174a6 མི་རྟོག་སྐྱེ་མེད་ཚུལ་གྱིས་གཟིགས།།དཔལ་ལྡན་བྱང་ཆུབ་སེམས་དཔའི་ཁྱད་པར་ནི།།རང་སེམས་གཉིས་དག་ལ་རབ་བརྟེན་ནས།།དེ་བཞིན་ས་གསུམ་དག་པའི་ཕ་རོལ་སོན།།
174a7 རང་སེམས་བཞི་པའི་ས་ལ་ཆེར་བསྒོམས་པས།།ལྔ་པའི་ས་ལ་བསམ་གཏན་ཕ་རོལ་སོན།།རང་སེམས་དྲུག་པའི་ས་ལ་ཆེར་སྦྱངས་པས།།བདུན་པ་ལ་ནི་ཐབས་ཀྱིས་ཕ་རོལ་སོན།།།
iiif viewer powered by OpenSeadragon
