| e-texts navigator |
| Wylie |
505a1 རྟག་པ་མེད་པ་དང་།དོན་གཅིག་པ་མ་ཡིན་པ་དང་།ཐ་དད་པ་མ་ཡིན་པ་དང་།འོང་བ་མེད་པ་དང་།འགྲོ་བ་མེད་པ་དང་།རྟེན་ཅིང་འབྲེལ་པར་འབྱུང་བ་རྣམ་པར་སྒོམ་པ
505a2 དང་།རབ་ཏུ་བརྟག་པར་བྱ་བ་མ་ཡིན་པ་དང་།རྣམ་པར་ཤེས་པར་བྱ་བ་མ་ཡིན་པ་དང་།གཞི་མེད་པ་དང་།མཚན་ཉིད་མེད་པ་དང་།བརྟག་པར་བྱ་བ་མ་ཡིན་པ་དང་།རིག་པར་བྱ་བ་མ་ཡིན།
505a3 དང་།ཐོག་མ་དང་ཐ་མ་འཇིག་པ་མེད་པར་མཛད་པ་དང་།གཡོ་བ་མོད་པ་དང་།གཉིས་མེད་པ་དང་།གཉིས་མེད་པ་མ་ཡིན་པ་དང་།ཞི་བ་དང་།བློ་འཇུག་པ་རྣམ་པར་སྤངས་པོ་དང་།
505a4 གཉེན་པོ་མེད་པ་དང་།མ་གོས་པ་དང་།ན་མཁའི་ལམ་དང་འདྲ་བ་དང་།ཡོད་པ་དང་།མེད་པར་བརྗོད་པ་མ་ཡིན་པ་དང་།ཞི་བ་དང་།རྨི་ལམ་གྱི་ངོ་བོ་ཉིད་དང་།སྒྱུ་མ་ལྟ་བུའི་ཆོས
505a5 ཉིད་དང་།མགལ་མེ་བསྐོར་བ་དང་འདྲ་བར་ཆོས་ཐམས་ཅད་རོ་གཅིག་པ་ཉིད།།སུ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་བརྒྱ་རྩ་བརྒྱད་པ་འདོན་པ་དེ་ངན་སོང་ཐམས་ཅད་ལས་རབ
505a6 ཏུ་ཐར་བར་འགྱུརརོ།།སངས་རྒྱས་ཐ~ཾད་ཀྱིས་དགོངས་པར་འགྱུར་རོ།།བྱང་ཆུབ་སེམས་དཔའ་ཐམས་ཅད་ཀྱིས་ཀྱང་རྟག་པར་རྒྱུན་ཏུ་སྲུང་བ་དང་།སྐྱོབ་པ་དང་།སྦེད་པ་བྱེད་པར་འགྱུར་རོ།།
505a7 དེའི་གསང་སྔགས་ཀྱི་ཚིག་འདི་དག་ཀྱང་རྟག་ཏུ་རྒྱུན་མི་འཆད་པར་དྲན་པར་བྱའོ།།བཅོམ་ལྡན་འདས་མ་འཕགས་མ་ཤེས་རབ་ཀྱི་ཕ་རོལ་ཏུ་ཕྱིན་པ་མོས་པ་ལ་བྱམས་མ་སྟོན་དཔག་ཏུ
iiif viewer powered by OpenSeadragon
