| e-texts navigator |
| Wylie |
479a1 ཐག་ཏུས་ཆེན་པོ་འདིར་དང་རྒྱ་མཚོའི་མཐར་ཐུག་པ་དང་བཅས་པ་རྣམ་པ་དྲུག་ཏུ་གཡོས་ཏེ།སངས་རྒྱས་བཅོམ་ལྡན་འདས་ཐམས་ཅད་ཀྱི་ཞིང་མཐའ་ཡས་པ་འཇིག་རྟེན་གྱི་ཁམས
479a2 ཀྱི་ཕྱོགས་ཀྱི་མཐར་ཐུག་པ་ཐམས་ཅད་དང་བཅས་པ་ཡང་རབ་ཏུ་འགུལ་བར་གྱུར་ཏོ།།སངས་རྒྱས་བཅོམ་ལྡན་འདས་ཐམས་ཅད་ཀྱིས་ཀྱང་སྔགས་ཀྱི་ཚིག་འདི་དག་བྱིན་གྱིས་བརླབ་སོ།།དེ་ནས་ལྷའི
479a3 དབང་པོ་བརྒྱ་བྱིན་འཇིགས་པ་དང་བྲལ་ནས་བ་སྤུ་ལངས་ཏེ་ངོ་མཆེར་སྨད་དུ་བྱུང་བ་ཐོབ་ནས།མིག་གཉིས་བྱེ་སྟེ་སྟན་ལས་ལངས་ནས།བཅོམ་ལྡན་འདས་ཀྱི་ཞབས་གཉིས་ལ་བཏུད་ནས་ལན
479a4 གསུམ་བསྐོར་བ་བྱས་ཤིང་།འཇམ་དཔལ་གཞོན་ནུར་གྱུར་པ་ལ་མངོན་དུ་བལྟས་ནས་སྔགས་ཀྱི་ཚིག་དེ་དག་གཟུང་སྟེ་ཡིད་ལ་བྱས་ནས་ཕྱིར་ཡང་ཤིང་རྟ་ལ་ཞོན་ནས་ལྷ་མ་ཡིན་གང་ཡིན་པ
479a5 དེ་ལོགསུ་ཕྱིན་པར་གྱུར་ཏོ།།དེ་ནས་ལྷ་མ་ཡིན་ཐམས་ཅད་རྒྱ་མཚོ་ཆེན་པོའི་མཐའི་འགྲམ་དུ་གང་རང་གི་གྲོང་ཁྱེར་གང་ཡིན་པ་དེ་རོ་མངོན་དུ་ཕྱོགས་ཤིང་སོང་བར་གྱུར་ཏེ།སེམས་ཞུམ་ཞིང་ཉམས
479a6 ལ་དཔུང་གི་འཇིགས་པས་སེམས་དཀྲུགས་ཤིང་གདོང་གི་མདོག་ཉམས་ཤིང་ང་རྒྱལ་དང་དྲེགས་པ་ལ་སོགས་པ་དང་བྲལ་བར་གྱུར་ལ།མཚོན་ཆ་དང་བྲལ་ཞིང་རི་འབིགས་བྱེད་འབར་བ་བཞིན
479a7 ལྷའི་དབང་ཕྱུག་དེ་མཐོང་ནས་བྱེར་བར་གྱུར་ཏོ།།དེ་ནས་ལྷའི་དབང་པོ་བརྒྱ་བྱིན་གྱིས་སུམ་ཅུ་རྩ་གསུམ་གྱི་ལྷ་རྣམས་ལ་སྨྲས་པ།གྲོགས་པོ་དག་མ་འཇིགས་ཤིག།མ་འཇིགས་ཤིག།སངས་རྒྱས་ཀྱི
iiif viewer powered by OpenSeadragon
