| e-texts navigator |
| Wylie |
335b1 འདི་ལས་གང་ཞིག་བྱེད་པར་འགྱུར་བ་དེ་ནི་བསྐལ་པ་བརྒྱར་ཡང་དེ་བཞིན་གཤེགས་པས་བསྟན་པར་མི་སྤྱོད་ཀྱི།གཞན་དུ་མདོར་བརྫུས་ནས་གསུངས་པ་ཡིན་ནོ།།འདིས་སྐྱེས་བུ་དམ་པ་དེ་ནི་སྒོ
335b2 མཐའ་ཡས་སེམས་ཅན་ཐམས་ཅད་ཀྱི་རྗེས་སུ་འགྲོ་ཞིང་།དེ་བཞིན་གཤེགས་པ་ཐམས་ཅད་ལ་ལྷོག་པར་དམིགས་པའི་རྣམ་པར་ཐར་པའི་སྒོ་ལ་སོགས་པ་རྣམ་པར་ཐར་པའི་སྒོ་སྣ་ཚོགས་པའི
335b3 རྗེས་སུ་ཞུགས་པ།སེམས་ཅན་འདུལ་བའི་སྦྱོར་བ་རྣམ་པ་སྣ་ཚོགས་པས་གནས་པའི་ཏིང་ངེ་འཛིན་གྱིས་རྣམ་པར་རྩེ་བ།ལས་ཐམས་ཅད་རྗེ་སུ་དྲན་པའི་ཆོ་ག་ཡང་དག་པར་སྦྱོར་བའི
335b4 གཟུངས་ཐོབ་པར་འགྱུར་ཞིང་།སེམས་ཅན་གྱི་ཁམས་དང་མོས་པ་དང་རྗེས་སུ་མཐུན་པའི་གཟུགས་སྣ་ཚོགས་པ་མངོན་པར་འགྲུབ་པར་འགྱུར་རོ།།སངས་རྒྱས་དང་།
335b5 བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང་།སྟོབས་སྣ་ཚོགས་མངོན་པར་སྒྲུབ་པར་བྱེད་པའི་སྒོ་སངས་རྒྱས་རྗེས་སུ་དྲན་པའི་མོས་པས་སྙིང་པོ་འདི་བཟླས་ན
335b6 གཟུགས་སྣ་ཚོགས་མཐོང་བར་འགྱུར་རོ།།མདོར་བསྡུས་ན་སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་པ་ཡང་མཐོང་བར་འགྱུར་རོ།།དེ་བཞིན་གཤེགས
335b7 པའི་གསུང་གི་འཁོར་ལོའི་དཀྱིལ་འཁོར་ཡང་འབྱིན་པར་འགྱུར་རོ།།གསེར་དང་ནོར་བུ་དང་མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ།།སེམས
iiif viewer powered by OpenSeadragon
