| e-texts navigator |
| Wylie |
212b1 ཀུན་འབྱུང་རྨད་བྱུང་བ།།འདི་ནི་བྱང་ཆུབ་སེམས་དཔའ་ཆེ།།རྡོ་རྗེ་བཞུད་པར་དེ་བཤ།།སངས་རྒྱས་ཀུན་གྱི་རྣལ་འབྱོར་ཆེ།།སངས་རྒྱས་ཆོས་ནི་རྟོགས་མཛད་པ།།དེ་བཞིན་བཤེགས་པའི།།
212b2 ཆོས་དག་པ།།རྡོ་རྗེ་ཆོ་སུ་དཾ་བཤད་དོ།།ཤེས་རབ་རྣོན་པོ་ཐེག་པ་ཆེ།།ཉོན་མོངས་ཐམས་ཅད་ངོས་གཅོད་མཛད།།ཤེས་བྱའི་སྒྲིབ་པ་བཅོད་པ་པོ།།རྡོ་རྗེ་རྣོན་པོར་དེ་བཤད།།སངས་རྒྱས
212b3 རོལ་མོའི་འཁོར་ལོ་ནི།།ཆོས་ཀྱི་འཁོར་ལོ་རབ་བསྐོར་བས།།སེམས་དཔའ་ཆེན་པོ་ཐེག་པ་ཆེ།།རྡོ་རྗེ་རྒྱུ་ཞེས་དེ་བཤད།།ཤེས་རབ་ཡེ་ཤེས་རང་བཞིན་དག།གསུང་གི་སྒྲ་ནི་རྣམ
212b4 པར་སྤང་།།འཇམ་པའི་གསུང་གི་བདག་ཉིད་གྱུར།།རྡོ་རྗེ་སྨྲ་བར་དེ་བཤད།།ཕ་རོལ་ཕྱིན་པ་ཀུན་གྱི་ཞབས།།རྣོ་རྣམས་ཐམས་ཅད་རྟོགས་མཛད་པ།།སེམས་ཅན་ཀུན་དོན་སྤྲུལ་པ་པོ།།།
212b5 རྡོ་རྗེ་ལས་ཞེས་བྱ་བར་བཤད།།སངས་རྒྱས་རྗེས་དྲན་ཡང་དག་གྲུབ།།ཐེག་པ་དམན་པ་རྣམ་སྤངས་ཤིང་།།བྱང་ཆུབ་སེམས་ལ་རབ་ཞུགས་པ།།རྡོ་རྗེ་སྲུང་བར་དེ་བཤད།།སྡིག་པ
212b6 ཐམས་ཅད་ཟད་བྱེད་ཅིང་།།དེ་བཞིན་ཉོན་མོངས་རྣམས་སྲེག་ལ།།ཉོན་མོངས་ཟད་པ་ཉེར་ལེན་པས།།རྡོ་རྗེའི་གནོད་སྦྱིན་དུ་བཤད་དོ།།སྐུ་གསུང་ཐུགས་ཀྱི་རྡོ་རྗེ་རྣམས།།བཅིང་བ
212b7 རུ་ནི་ཡང་དག་གྱུར།།དེ་ཉིད་དེ་ཉིད་ཡེ་ཤེས་ཏེ།།རྡོ་རྗེ་ཁུ་ཚུར་ཞེས་བཤད།།དམ་ཚིག་ཕྱག་རྒྱ་ཐམས་ཅད་ནི།།རྡོ་རྗེ་བསྡམས་ལ་ས་ཡང་དག་བྱུང་།།རྡོ་རྗེ་ཁུ་ཚུར་གཉིས
iiif viewer powered by OpenSeadragon
