| e-texts navigator |
| Wylie |
94b1 དེ་ནས་བཙུན་མོས་རྒྱལ་བུ་ལ་རེ་ཤིག་འདིར་བསྡད་དོ།།ཆུ་ཆེན་པོ་བྲི་ནས་རྒལ་ཏེ་འདོང་།ཞེས་སྨྲས་པ་དང་།རྒྱལ་བུས་སྨྲས་པ།ཡབ་རྒྱལ་པོས་བདག་ཅག་ལ།རི་དན་ཏིག་ཏུ་སོང་ཤིག་ཅེས།།
94b2 བཀའ་སྩལ་པས།ད་འདིར་འདུག་པར་གྱུར་ན།རྒྱལ་པོའི་བཀའ་དང་འགལ་ཏེ།བུ་སྲི་ཞུ་ཅན་མ་ཡིན་ནོ་ཞེས་སྨྲས་པས།རྒྱལ་བུ་དེ་མ་ཐག་ཏུ་བྱམས་པའི་སེམས་ཀྱིས་ཏིང་ངེ་འཛིན་དུ
94b3 ཞུགས་པ་དང་།མོད་ལ་ཆུའི་ནང་ནས་རི་ཆེན་པོ་ཞིག་བྱུང་ནས།ཆུའི་རྒྱུན་བཅད།།དེ་ནས་རྒྱལ་བུ་དང་བཙུན་མོ་གོས་བརྗེས་ཏེ།ཆུ་རྒལ་ནས།ཕར་རྒལ་མ་ཐག་ཏུ།རྒྱལ་བུས་ཡང
94b4 འདི་སྙམ་དུ་བསམ་སོ།།ཐལ་བྱུང་སོང་བར་གྱུར་ན།ཆུ་འཁྱིལ་པ་འདིས་སེམས་ཅན་མང་དུ་འཆི་སྟེ།གྲོག་སྦུར་མང་པོ་ཆུས་ཁྱེར་བར་འགྱུར་སྙམ་བསམས་ནས།རྒྱལ་བུ་ཕྱིར་ཆུ་ལ་བལྟས
94b5 ཏེ།འདི་སྐད་ཅེས་སྨྲསོ།།ཆུ་ཁྱོད་སྔ་མ་པོ་བཞིན་དུ་རྒྱུན་ཏུ་འབབ་ཅིང་གལ་ཏེ་བདག་འདོད་པ་ཞིག་འོངས་ན་ཡང་ཐར་བར་བྱོས་ཤིག་ཅེས་བྱས་མ་ཐག་ཏུ་མུ་ཡང་སྔ་མཁོ་བཞིན་དུ་འབབ་པར
94b6 གྱུར་ཏོ།།དེ་ནས་སོང་བ་ལས་རི་དྲན་ཏིག་ཏུ་ཕྱིན་ནས།རྒྱལ་བུས་རི་དེ་ལ་བལྟས་ན།རི་དེ་རང་རོང་དང་ཟད་ཟེད་དུ་འདུག་ལ།ཤིང་མང་པོ་རབ་ཏུ་རྒྱས་ཤིང་།བྱ་སྣ་ཚོགས་ཀྱང་སྙན་པའི
94b7 སྒྲ་འབྱིན།འབབ་ཆུ་དང་།ཆུ་མིག་དང་།མཚེའུ་དང་།ལྟེང་ཀར་ལྡན་ཏེ།ཆུ་ནི་མངར།འབྲས་བུ་ཞིམ།ཆུ་བྱ་དང་།ངང་ངུང་དང་།འཛིན་མོ་དང་།རི་སྐེགས་ལ
iiif viewer powered by OpenSeadragon
