| e-texts navigator |
| Wylie |
94a1 མོ་དང་།སྨྲས་གཉིས་ཀྱིས་བར་དུ་དགའ་བའི་མདངས་དང་བཅས་ཏྭ།རིག་ལ་བ་དང་སོང་ངོ་།།རི་ད་ན་ཏིག་ཅེས་བྱ་བར་ཡུལ་ཡ་བ་ནས་ལམས་རབ་ཏུ
94a2 རིང་སྟེ།དཔག་ཚད་ཕྲག་སྟོང་ཞིག་ཡོད་དོ་དེ་ལྟར་སོང་སོང་བ་ལས།འབྲོག་དགོན་པར་ཕྱིན་ནས།བཀྲེས་པ་དང་།སྐོམ་པའི་སྡུག་བསྔལ་གྱིས་ཉེན་པ་ལས།སུམ་ཅུ་རྩ་གསུམ
94a3 གནས་ཀྱི་ལྷའི་དབང་པོས་འབྲོག་དགོན་པ་དེར།གྲོང་ཁྱེར་ཁྱིམ་བཟང་པོ་ཚོང་དུས་དང་།ལམ་སྲང་ཡོད་པ།རོལ་མོ་དང་།གོས་དང་།བཟའ་བ་དང་།བཏུང་བ་དང་ལྡན་པ།
94a4 གྲོང་ཁྱིམ་དོན་མི་དག་གིས།རྒྱལ་བུ་བསྡུ་བ་དག་སྤྲུལ་ཏོ།།མི་མང་པོས་རྒྱལ་བུ་གྲོང་ཁྱིམ་དུ་བསུས་ཏེ།ཟས་དང་།སྐོམ་དང་།བདེ་བའི་ཡོ་བྱད་ཀྱིས་བསྟབས་པ་དང་།བཙུན
94a5 མོས་རྒྱལ་བུ་ལ་སྨྲས་པ།ལམ་རིང་པོར་བགྲོད་པས་རབ་ཏུ་ང་ལད་ཐལ་བྱུང་འདུག་དུ་མི་རུང་ངམ།རྒྱལ་བུས་སྨྲས་པ།ཡབ་རྒྱལ་པོ་བདག་ཅག་ལ།རི་དན་ཏིག་ཏུ་སོང་ཤིག་ཅེས
94a6 བཀའ་སྩལ་ཏེ།ད་འདིར་འདུག་པར་གྱུར་ན།ཡབ་རྒྱལ་པོའི་བཀའ་དང་།འགལ་བར་འགྱུར་ཏེ།བུ་སྲི་ཞུ་ཅན་མ་ཡིན་ནོ་ཞེས་གསུང་ནས་གྲོང་ཁྱེར་དེ་ནས་བྱུང་སྟེ།མོད་ལ
94a7 སོང་ངོ་།།དེ་ལྟར་སོང་བ་ལས།རིང་པོ་མ་ལོན་པར།རི་དན་ཏིག་གི་དྲུང་དུ་ཕྱིན་པ་དང་།རི་དེའི་དྲུང་ན།ཆུ་ཆེན་པོ་ཤིན་ཏུ་ཟབ་པ།རྒལ་བར་མི་ཐར་པ་ཞིག་དང་ཕྲད་དོ།།
iiif viewer powered by OpenSeadragon
