| e-texts navigator |
| Wylie |
89b1 ལ་བྱིན་པར་གྱུར་ཏོ་སྙམ་དུ་བསམས་ནས།རྒྱལ་པོ་ག་ལ་བ་དེར་སོང་སྟེ།འདི་སྐད་ཅེས་གསོལ་ཏོ།།རྒྱལ་བུས་ནི་ཕྱིའི་དགྲ་ཐུབ་པའི་བལ་གླང་རིན་ཆེན་ཕ་རོལ་གྱི་དགྲ་ཟླ་ལ་བྱིན་ནོ་ཞེས
89b2 གསོལ་པ་དང་།རྒྱལ་པོ་ཡབ་ཡིད་ཡེད་པོར་གྱུར་པ་ལས།བློན་པོས་ཡང་འདི་སྐད་ཅེས་གསོལ་ཏོ།།ད་ལྟར་རྒྱལ་པོ་ལ་བལ་གྱི་གླང་པོ་ཆེ་འདི་མངའ་བས།ཆབ་སྲིད་ཆེ་བ་ལགས་ཏེ།
89b3 བལ་གྱི་གླང་པོ་ཆེ་དེ་ནི་བལ་གླང་དྲུག་ཅུ་སྙེད་ཀྱི་མཐུ་སྟོབས་དང་ལྡན་པ་ལགས་ན།རྒྱལ་བུས་དག་ལ་སྩལ་ཏེ།དགྲ་ཟླ་འཚལ་བས།ཚབ་སྲིད་ཀྱང་སྟོར་དུ་མཆི་ན།ཅི་ལྟར་མཛད་པའི
89b4 རིགས།འདི་རྒྱལ་བུ་རང་ཉམསུ་སྦྱིན་པ་བྱིན་པས་བང་མཛོད་ཀྱང་སྟོངས་ཤིང་།ཡུལ་གྱི་སྲིད་དང་།བཙུན་མོ་དང་།སྲས་ཀྱི་བར་དུ་སྦྱིན་པ་བགྱིད་པར་དོགསོ་ཞེས་གསོལ་པ་དང་།
89b5 རྒྱལ་པོས་དེ་སྐད་ཅེས་སྨྲས་པ་ཐོས་ནས།ལྷག་པར་མི་དགའ་བར་གྱུར་ཏེ།བློན་པོ་གཞན་ཞིག་བོས་ནས།བློན་པོ་དེ་ལ་རྒྱལ་བུས་བལ་གྱི་གླང་པོ་ཆེ་དགྲ་ཟླ་བྱིན་པ་བདེན་ནམ་ཞེས་དྲིས
89b6 པ་དང་།བློན་པོ་དེས་ཀྱང་བྱིན་པ་བདེན་ནོ་ཞེས་གསོལ་ཏོ།།རྒྱལ་པོས་དེ་སྐད་སྨྲས་པ་ཐོས་མ་ཐག་ཏུ་ཆེར་དངངས་ནས།གདན་ཁྲི་ལས་ལྷུང་སྟེ།མི་དྲན་པར་བརྒྱལ་བར་གྱུར་པ་ལྔ
89b7 ཆུས་གཏོར་ནས།རིང་ཞིག་ལོན་པ་དང་།ཕྱིས་སངས་པར་གྱུར།བཙུན་མོ་ཉི་ཁྲི་སྙེད་ཀྱང་ཐམས་ཅད་མྱ་ངན་གྱིས་ནོན་པར་གྱུར་ཏོ།།དེ་ནས་རྒྱལ་པོ་རྣམས་དང་།བློན་པོ
iiif viewer powered by OpenSeadragon
