| e-texts navigator |
| Wylie |
85b1 གསེར་མདོག་གི་སྔོན་གྱི་སྦྱོར་བ་ཞེས་བྱ་བ་རྫོག་སོ།།།བོད་སྐད་དུ།འཕགས་པ་རྒྱལ་བུ་དོན་གྲུབ།
85b2 གྱི་མདོ།།འདི་སྐད་བདག་གིས་ཐོས་པའི་དུས་ཅིག་ན།བཅོམ་ལྡན་འདས་མཉན་དུ་ཡོད་པ་ན།རྒྱལ་བུ་འཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན།དགེ་སློང་དང་།དགེ་སློང
85b3 མ་དང་།དགེ་བསྙེན་པ་དང་།དགེ་སྙེན་མ་གྲངས་མེད་པ་དང་།ཐབས་གཅིག་ཏུ་བཞུགསོ།།དེའི་ཚེ་བཅོམ་ལྡན་འདས་འཛུམ་པ་མཛད་ནས།ཞལ་གྱི་སྒོ་ནས།འོད་ཟེར་ཁ་དོག་སྣ་ལྔ
85b4 དང་ལྡན་པ་བཀྱེ་བ་དང་།ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ།གོས་ཚ་གགོས་བཅོས་ནས་ཐལ་མོ་སྦྱར་ཏེ།བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བདག་གིས་སངས
85b5 རྒྱས་ཀྱི་ཞ་འབྲིང་ལོ་ཉི་ཤུ་བགྱིས་ཀྱི་བར་དུ།དེ་འདྲ་བར་བཞད་པ་མ་མཐོང་ན།བཅོམ་ལྡན་འདས་ཀྱིས་སངས་རྒྱས་སྔོན་འདས་པ་འམ།མ་བྱོན་པ་འམ།ད་ལྟར་བཞུགས་པའི་སངས
85b6 རྒྱས་ལ་དགོངས་སམ།དེ་མ་ལགས་པ་ཅི་ལ་དགོངས་པ་དོན་བསྟན་དུ་གསོལ།བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ།སངས་རྒྱས་འདས་པ་འམ།མ་འོངས་པ་འམ།།
85b7 ད་ལྟར་བཞུགས་པ་ལ་དགོངས་པ་མ་ཡིན་གྱི།མངོན་པར་དྲན་པ།ང་སྔོན་བསྐལ་པ་གླང་མེད་པའི་ཕ་རོལ་ན།སྦྱིན་པ་བྱིན་པའི་དངོས་པོ་ལ་དགོངས་ཏེ།དེའི་ཚེ་དེའི་དུས་ན།ཡུལ་ཡ་བ
iiif viewer powered by OpenSeadragon
