| e-texts navigator |
| Wylie |
84b1 སྤྲོ་བ་དང་།འཁོར་རྣམས་བོས་ནས་འདི་སྐད་ཅེས་སྨྲས།།གྲོང་གི་གཙོ་བོ་དག་ལྟོས་ཤིག།ཀྱེ་མ་དང་བསོད་སྙོམས་གཅིག་ཕུལ་བའི་མྱུ་གུ་བྱུང་བར་གྱུར་ཏེ།འབྲས་བུ་དང་ལོ་མ་དང་མེ་ཏོག
84b2 ནི་ཕྱིས་འབྱུང་བར་འགྱུརརོ།།དེ་ནས་ཉི་མ་གཉིས་པ་ལ།ཉིན་བདུན་དུ་ནོར་དང་འབྲུའི་ཆར་རབ་ཏུ་ཕབ་བོ།།འདི་ལྟ་སྟེ།ཏིལ་དང་།འབྲས་ཐུག་པོ་ཆེ་དང་།མོན་སྲན་གླེའུ་དང་།
84b3 མོན་སྲན་དཀར་བུ་དང་།ནས་དང་གྲོ་དང་།སྲན་ཆུང་དང་།འབྲས་ས་ལུ་དང་།འབྲུའི་རིགས་ཐམས་ཅད་དང་།ཞག་བདུན་མར་སར་གྱི་ཆར་བབ་བོ།།ཞག་བདུན་དུ་ཏིལ་མར་གྱི
84b4 ཆར་བབ་པོ།།ཞག་བདུན་དུ་བེའུ་རིས་ཀྱི་ཆར་བབ་བོ།།ཞག་བདུན་དུ་རྫས་རྣམ་པ་སྣ་ཚོགས་ཀྱི་ཆར་བབ་པོ།།ཞག་བདུན་དུ་རིན་པོ་ཆེ་སྣ་བདུན་ལ།གསེར་དང་།དལ་དང་།ཤེལ
84b5 དང་།བཻ་ཌཱུརྱ་དང་།མུ་ཏིག་དམར་པོ་དང་།རྡོའི་སྙིང་པོ་དང་།སྤུག་རྣམས་ཏེ།རིན་པོ་ཆེ་སྣ་བདུན་པོ་འདི་དག་གི་ཆར་བབ་བོ།།རྒྱལ་པོ་གསེར་མདོག་གི་མཐུས།འཇམ
84b6 བུའི་གླིང་གི་མི་ཐམས་ཅད་ཀྱི་དབུལ་བ་ཡང་དག་པར་བཅད་པར་གྱུར་ཏོ།།དགེ་སློང་དག་དེའི་ཚེ།དེའི་དུས་ནི་རྒྱལ་པོར་གྱུར་པ་དེ།གཞན་ཞིག་ཡིན་སྙམ་དུ་ཁྱོད་ཀྱིས་སོམ་ཉྫི་དང་།
84b7 ཡིད་གཉིསུ་མི་བྱའོ།།དགེ་སློང་དག་དེའི་ཚེ་དེའི་དུས་ན།རྒྱལ་པོ་གསེར་མདོག་ཅེས་བྱ་བ་བྱུང་བ་དེ་ནི།ང་ཉིད་ཡིན་པར་བལྟ་བར་བྱའོ།།དགེ་སློང་དག་རྣམ་གྲངས་དེས་ཀྱང་འདི་ལྟར
iiif viewer powered by OpenSeadragon
