| e-texts navigator |
| Wylie |
84a1 མོ་སྦྱར་ནས།རྒྱལ་པོ་གསེར་མདོག་ལ་འདི་སྐད་ཅེས་སྨྲས།།བདག་ཅག་གིས་ལྷའི་ཞལ་ཏ་བའི་ཕྱི་མ་དང་ལགས་ཏེ་བདག་ཅག་གིས་གང་ཅུང་ཟད་ལྟ་བཀ་ལས
84a2 འགལ་བ་ཅི་བགྱིས་པ་བཟོད་པར་གསོལ་ལོ།།འདི་ལྟ་སྟེ།བཅོམ་ལྡན་འདས་རང་སངས་རྒྱས་དེས་བསོད་སྙོམས་དེ་ཡོངསུ་ཟོས་སོ།།དེ་ནས་སྐད་ཅིག་དེ་ཉིད་ལ་ཕྱོགས་བཞི་ནས
84a3 སྦྱིན་སྟུག་པོ་བཞི་ལངས།།རླུང་གྲང་བ་ཡང་ལངས་ཏེ།དེའི་ཚེ་འཛམ་བུ་གླིང་ཕྱག་སོ།།དེ་ནས་དེའི་དུས་ཀྱི་བྱེ་བྲག་ལ།བཅའ་བར་བྱ་བ་དང་།བཟའ་བར་བྱ་བ་རྣམ་པ་སྣ་ཚོགས
84a4 ཀྱི་ཆར་བབ་སྟེ།བཟའ་བར་བྱ་བ་དངོས་པོ་འདི་ལྟ་བུ་འབྲས་ཅན་དང་།ཕྱེ་དང་ཟན་དྲོན་དང་ཤ་དང་ཉ་ཤོ་དང་།བཅའ་བར་བྱ་བའི་དངོས་པོ་འདི་ལྟ་བུ་བཅའ་བར་བྱ་བ་ལ་ཕུག་དང་།
84a5 བཟའ་བར་བྱ་བ་ལོ་མ་དང་།བཟའ་བར་བྱ་བ་མེ་ཏོག་དང་།བཟའ་བར་བྱ་བ་འབྲས་བུ་དང་།བཟའ་བར་བྱ་བ་ཏིལ་དང་།བཟའ་བར་བྱ་བ་ཏིལ་མར་དང་།བཟའ་བར་བྱ་བ་བུ
84a6 རམ་དང་།བཟའ་བར་བྱ་བ་ཀ་ར་དང་།གཞན་ཡང་བཟའ་བར་བྱ་བ་དང་།བཅང་བར་བྱ་བ་དང་།མྱོང་བར་བྱ་བ་རྣམ་པ་མང་པོའི་བཟའ་བ་དག་གི་ཆར་བབ་པོ།།དེ་ནས་རྒྱལ
84a7 པོ་གསེར་མདོག་མགུ་ལ་དགའ་ཞིང་ཡིད་རངས་ཏེ།རབ་ཏུ་དགའ་ནས་དགའ་བ་དང་།ཡིད་བདེ་བ་སྐྱེས་ཏེ།རྩིས་པ་དང་།སྣ་ཆེན་པོ་ལ་གཏོགས་པ་དང་།བློན་པོ་དང་།
iiif viewer powered by OpenSeadragon
