| e-texts navigator |
| Wylie |
83b1 ཐལ་མོ་སྦྱར་ནས།མིག་རྒྱང་གིས་སོད་དག་གི་བར་དུ་མིག་མི་འཛུམས་པར་བལྟསོ།།དེ་ནས་རྒྱལ་པོ་གསེར་མདོག་གིས།རྩིས་པ་དང་།སྣ་ཆེན་པོ་ལ་གཏོགས་པ་དང་།བློན་པོ་དང་།
83b2 སྒོ་བ་དང་།འཁོར་རྣམས་བོས་ནས་འདི་སྐད་ཅེས་སྨྲསོ།།གྲོང་གི་གཙོ་བོ་དག་རང་རང་གི་གནས་ཇི་ལྟ་བ་བཞིན་དང་ཤིག་ཁང་བཟངས་འདིར་བཀྲེས་པ་དང་།སྐོམ་པས་འཆི་བའི་དུས་མ
83b3 བྱེད་ཅིག།དེ་དག་གིས་སྨྲས་པ།གང་གི་ཚེ་ལྷའི་དཔལ་དང་སྐུ་དཔལ་དང་ལྡན་པར་གྱུར་པ་དེའི་ཚེ།བདག་ཅག་ལྷའི་ཞྭ་འབྲིང་ན་རྩེ་ཞིང་དགའ་ལ་ལོངས་སྤྱོད་པ་ལགས་ན།འདི་ལྟ་སྟེ།
83b4 བདག་ཅག་ལྷའི་དུས་ཕྱི་མ་དང་།དུས་ཚོད་ཕྱི་མ་ཡོངསུ་བཏང་བ་ག་ལ་ཞིག་བཟོད།དེ་ནས་རྒྱལ་པོ་གསེར་མདོག་རབ་ཏུ་ངུས་ཏེ་མཆི་མ་ཕྱུང་ངོ་།།མཆི་མ་དེ་ལེགས་པར་ཕྱིས་ནས།རྩིས
83b5 པ་དང་།སྣ་ཆེན་པོ་ལ་གཏོགས་པ་དང་།བློན་པོ་དང་།སྒོ་བ་དང་།འཁོར་རྣམས་ལ་འདི་སྐད་ཅེས་སྨྲསོ།།གྲོང་གི་གཙོ་བོ་དག་རང་གི་གནས་ཇི་ལྟ་བ་བཞིན་དང་ཤིག།ཐམས་ཅད
83b6 ཀྱིས་ཁང་བཟངས་འདིར་བཀྲེས་པ་དང་སྐོམ་པ་དག་གིས་འཆི་བའི་དུས་མ་བྱེད་ཅིག།དེ་ནས་རྩིས་པ་དང་།སྣ་ཆེན་པོ་ལ་གཏོགས་པ་དང་།བློན་པོ་དང་།སྒོ་བ་དང་།འཁོར་རྣམས་རབ་ཏུ
83b7 དུས་ཏེ།མཆི་མ་ཕྱུང་ངོ་།།མཆི་མ་ལེགས་པར་ཕྱིས་ནས།རྒྱལ་པོ་གསེར་མདོག་གལ་བ་དེར་སོང་སྟེ་ཕྱིན་ནས་རྒྱལ་པོ་གསེར་མདོག་གི་རྐང་པ་གཉིས་ལ་ཕྱག་འཚལ་ཏེ།ཐལ
iiif viewer powered by OpenSeadragon
