| e-texts navigator |
| Wylie |
82b1 གསེར་མདོག་གི་ཁང་ཟངས་ཀྱི་སྟེང་དུ་བབ་སོ།།དེ་ནས་རྒྱལ་པོ་གསེར་མདོག་ལངས་ནས།བཅོམ་ལྡན་འདས་རང་སངས་རྒྱས་དེ་བསུས་ནས།བཅོམ་ལྡན་འདས་རང་སངས་རྒྱས་དེའི་ཞབས
82b2 ལ་མགོ་བོས་ཕྱག་འཚལ་ཏེ།སྟན་བཤམས་པ་ལ་བཞུགས་པར་གསོལ་ཏོ།།དེ་ནས་རྒྱལ་པོ་གསེར་མདོག་གིས།བཅོམ་ལྡན་འདས་རང་སངས་རྒྱས་དེ་ལ་འདི་སྐད་ཅེས་སྨྲས།།
82b3 དྲང་སྲོང་ཅིའི་ཕྱིར་འདིར་བྱོན།།དྲང་སྲོང་གིས་སྨྲས་པ།རྒྱལ་པོ་ཟས་ཀྱི་ཕྱིར་རོ།།དེ་ནས་རྒྱལ་པོ་གསེར་མདོག་རབ་ཏུ་ངུས་ཏེ།མཆི་མ་ཕྱུང་ནས།ེ་མའོ་བདག་དབུལ་ཏེ་འདི་ལྟར
82b4 འཛམ་བུའི་གླིང་གི་དབང་ཕྱུག་དམ་པ་བྱས་ཀྱིས་ཀྱང་།དྲང་སྲོང་གཅིག་ལ་བསོད་སྙོམས་དབུལ་བར་མ་ནུསོ།།དེ་ནས་རྒྱལ་པོའི་ཕོ་བྲང་གསེར་ཅན་ན་གནས་པའི་ལྷ་དེས་རྒྱལ་པོ་གསེར
82b5 མདོག་ལ་ཚིགསུ་བཅ་དེ་སྨྲས་པ།ཅི་ཞིག་སྡུག་བསྔལ་ཡིན་ཞེས་པ་དེ་ནི་དབུལ་བའོ།།ཤིན་ཏུ་སྡུག་བསྔལ་གང་ཡིན་དབུལ་བ་དེ་ཉིད་དེ།དབུལ་བ་དག་གི་ནང་ན་ཤི་དང་མཚུངས
82b6 པར་གྱུར་པ་སྟེ།བདག་ནི་ཤི་ཡང་བླ་ཡི་དབུལ་བར་མི་འདོད་དོ།།དེ་ནས་རྒྱལ་པོ་གསེར་མདོག་གིས་མཛོད་ལ་བོས་ནས།འདི་སྐད་ཅེས་སྨྲས།།གྲོང་གི་གཙོ་བོ་ཁྱིམ་ན་བཟའ་ཅུང
82b7 ཟད་ཡོད་ན།དྲང་སྲོང་འདི་ལ་དབུལ་བར་བྱའོ།།དེས་སྨྲས་པ།གང་ལྷ་ཉིད་མཁྱེན་པ་ལགས་ཏེ།འཛམ་བུའི་གླིང་གི་ཟས་ལ་སོགས་པ་ཐམས་ཅད་ཡོངསུ་བས་སོ།།གཞན
iiif viewer powered by OpenSeadragon
