| e-texts navigator |
| Wylie |
81a1 འདི་དག་ནི་ཉོན་མོངས་གང་གི་ཚེ་ཟླ་བ་དགུ་རུམ་དེ་ཉིད་གནས་ལ།དེ་ཉིད་ཀྱི་ནུ་མ་ལྔ་འཐུངས་ནས།དེ་ཉིད་དུ་དེ་ལྟར་བྱེད།འདི་འདྲ་བའི་སེམས་ཅན་ཆོས་མ་ཡིན
81a2 པའི་འདོད་ཆགས་ཀྱིས་ཞེན་པ།ལོག་པར་ལྟ་བ་འདོད་པ་མི་བཟད་པས་ཟིལ་གྱིས་ནོན་པ།ཕར་མི་འཛིན་པ།མར་མི་འཛིན་པ།དགེ་སྦྱོང་དུ་མི་འཛིན་པ།བྲམ་ཟེར་མི་འཛིན་པ།།
81a3 རིགས་ཀྱི་རྒན་རབས་ལ་བཀུར་བསྟི་མི་བྱེད་པ་རྣམས་ཀྱི་བདག་མཆོག་སྟེ།འདི་འདྲ་བའི་སེམས་ཅན་རྣམས་ཀྱི་དོན།བྱང་ཆུབ་ཀྱི་སྤྱོད་པ་སྤྱད་པར་སུ་ཞིག་སྤྲོ།བདག་ནི་ངེས་པར
81a4 བདག་གཅིག་པུའི་དོན་བསྒྲུབ་པོ་སྙམོ།།དེ་ནས་བྱང་ཆུབ་སེམས་དཔའ་དེ་གཞན་གཞན་དུ་ཤིང་ལྗོན་པའི་དྲུང་ག་ལ་བ་དེར་སོང་སྟེ་ཕྱིན་ནས།ཤིང་ལྗོན་པའི་དྲུང་དེར་སྐྱིལ་མོ་ཀྲུང་བཅས
81a5 ནས་ལུས་བསྲང་སྟེ།དགའ་བ་དང་།བདེ་བ་དང་།དྲན་པ་མངོན་དུ་བཞག་ནས་འདུག།དེ་ནས་བྱང་ཆུབ་སེམས་དཔའ་དེ་ཉེ་བར་ལེན་པའི་ཕུང་པོ་ལྔ་རྣམས་ལ།།སྐྱེ་བ་དང་།
81a6 འཇིག་པར་རྗེ་སུ་ལྟ་ཞིང་གནས་ཏེ།འདི་ནི་གཟུགས་ཏེ།གཟུགས་འདི་ནི་སྐྱེ་བའོ།།གཟུགས་འདི་ནི་འཇིག་པའོ།།འདི་ནི་ཚོར་བ།འདི་དག་ནི་འདུ་ཤེས་འདི་དག་ནི་འདུ
81a7 བྱེད།འདི་དག་ནི་རྣམ་པར་ཤེས་པ་སྟེ།རྣམ་པར་ཤེས་པ་འདི་ནི་སྐྱེ་བའོ།།རྣམ་པར་ཤེས་པ་འདི་ནི་འཇིག་པའོ་ཞེས།དེ་ཉེ་བར་ལེན་པའི་ཕུང་པོ་ལྔ་པོ་འདི་རྣམས་ལ་སྐྱེ་དེ།
iiif viewer powered by OpenSeadragon
