| e-texts navigator |
| Wylie |
80b1 ལེགས་པར་གྲོངས་ལ།འཛམ་བུའི་གླིང་གི་མི་ཐམས་ཅད་ཀྱི་བཟའ་བ་ལེགས་པར་མཉམ་པར་བགོ་བར་གྱིས་ཤིག།གྲངས་པ་དང་།རྩིས་པ་དང་།།ཡི་གེ་པའི་མི་རྣམས་ཀྱིས།རྒྱལ་པོ
80b2 གསེར་མདོག་གི་ལྟར་མཉན་ནས།འཛམ་བུའི་གླིང་གི་མི་ཐམས་ཅད་ལེགས་པར་བགྲངསོ།།རྒྱལ་པོ་གསེར་མདོག་མན་ཆད་ལེགས་པར་བགྲངས་ནས།འཛམ་བུའི་གླིང་གི་མི་ཐམས
80b3 ཅད་ལ་བཟའ་བ་མཉམ་པར་འགེད་དོ།།ལོ་བཅུ་གཅིག་གི་བར་དུ་ནི་ཤི་བ་མེད་དོ།།ལོ་བཅུ་གཉིས་པ་བྱུང་བའི་ཚེ་ཟླ་བ་གཅིག་ལ་དེར་མི་མང་དུ་སྐྱེས་པ་དང་བུད་མེད་དང་།ཁྱེའུ་དང་བུ་མོ
80b4 བཀྲེས་པ་དང་སྐོམ་པས་ཤིའོ།།ལོ་བཅུ་གཉིས་པ་བྱུང་བའི་ཚེ་ཟླ་བ་ལྷག་མ་གཉིས་དང་གསུམ་དང་།བཞི་དང་ལྔ་དང་བཅུ་གཅིག་གི་བར་དུ་དེར་མང་དུ་སྐྱེས་པ་དང་།བུད་མེད་དང
80b5 ཁྱེའུ་དང་བུ་མོ་རྣམས་ཤི་བར་གྱུར་ཏོ།།དེའི་ཚེ་ན་འཛམ་བུའི་གླིང་གི་ཟས་ལ་སོགས་པ་ཐམས་ཅད་ཡོངསུ་ཟད་དོ།།གཞན་དུ་ན་གསེར་མདོག་ལ་ཟས་ཀྱི་ལྷག་མ་བྲེའུ་ཆུང་གང་ཞིག
80b6 ཡོད་དོ།།དེའི་ཚེ་དུས་གཞན་ཞིག་ན།བསྐལ་པ་བཞི་བཅུར་སྤྱོད་པའི་བྱང་ཆུབ་སེམས་དཔའ་ཞིག།མི་མཇེད་ཀྱི་འཇིག་རྟེན་གྱི་ཁམས་འདིར་ཕྱིན་པར་གྱུར་ཏོ།།བྱང་ཆུབ་སེམས
80b7 དཔའ་དེས་གཞན་ཞིག་ཏུ།ནགས་ཁྲོད་ཞིག་ན།བུ་དང་མ་གཉིས་ཉལ་པོ་བྱེད་པ་ཞིག་མཐོང་ངོ་།།མཐོང་ནས་ཀྱང་འདི་སྙམ་དུ་གྱུར་ཏེ།ེ་མའོ་ཉོན་མོངསོ།།སེམས་ཅན
iiif viewer powered by OpenSeadragon
