| e-texts navigator |
| Wylie |
589a1 ཆེན་པོ་དཔལ་ཐར་པ་གླིང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།།།རྒྱ་གར་སྐད་དུ།ནནྡོ་པ་ནནྡ་ནཱ་ག་རཱ་ཛ་ད་མ་ན་སཱུ་ཏྲ།བོད་སྐད་དུ།ཀླུའི་རྒྱལ་པོ་དགའ
589a2 བོ་ཉེར་དགའ་འདུལ་བའི་མདོ།།འཕགས་པ་དཀོན་མཆོག་གསུམ་ལ་གུས་པས་ཕྱག་འཚལོ།།འདི་སྐད་བདག་གིས་ཐོས་པའི་དུས་གཅིག་ན།བཅོམ་ལྡན་འདས་མཉན་ཡོད་ན་རྒྱལ་བྱེད
589a3 ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུག་སོ།།ཁྱིམ་བདག་མགོན་མེད་ཟས་སྦྱིན་དུས་གཅིག་ན།བཅོམ་ལྡན་འདས་ཀྱིས་ཆོས་བསྟན་པ་ཐོས་ནས།བཙུན་པ་དགེ་སློང
589a4 ལྔ་བརྒྱ་དང་བཅས་པ་སོང་ནང་པར་བདག་གི་ཁྱིམ་དུ་གདུགས་ཆོད་ལ་འབྱོན་པར་ཞུ་ཞོས་འགྲོན་དུ་གཉེར་ཏོ།།བཅོམ་ལྡན་འདས་ཀྱིས་དེ་ལ་གནང་ནས།དེའི་ཉིན་མོ་ལྷག་མ་དང
589a5 མཚན་མོའི་མཐའ་འདས་ནས་ཐོ་རངས་ཀྱི་དུས་སུ་སྟོང་ཕྲག་བཅུའི་འཇིག་རྟེན་གྱི་ཁམས་ལ་ཐུགས་ཀྱིས་རྣམ་པར་དགོངསོ།།དེ་ནས་ཀླུའི་རྒྱལ་པོ་དགའ་བོ་ཉེར་དགའ་ཞེས་བྱ་བ་ཡཾ
589a6 ཤེས་ཀྱི་སྒོ་ནས་མངོན་དུ་བྱསོ།།དེ་ལ་ངེས་པར་ལེགས་པའི་ས་བོན་ཡོད་དམ་ཞེས་རྟགས་པ་ན།འདི་ནི་ལོག་པར་ལྟ་བ་ཅན་དཀོན་མཆོག་གསུམ་ལ་དད་པ་མེད་པར་གཟིག་སོ།།
589a7 གཟིགས་ནས་གང་ཞིག་འདི་ནི་ལོག་པ་ལྟ་བ་ལས་རྣམ་པར་གྲོལ་བར་བྱ་བའི་ཕྱིར།འདུལ་བར་བྱེད་པ་གནས་བརྟན་ཆེན་པོ་མཽ་དགལ་གཟིག་སོ།།དེ་ནས་མཚན་མོ་ཐོ་རངས་ཀྱི་དུ་སུ་སྐུ
iiif viewer powered by OpenSeadragon
