| e-texts navigator |
| Wylie |
585a1 གཅིག་ཏུ་འདུག།།ཕྱོགས་གཅིག་ཏུ་འདུག་ནས་ཡང་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།བཙུན་པ་ཚེ་དང་ལྡན་པ་རིའི་ཀུན
585a2 དགའ་བོ་ནད་དམ་པོ་སྡུག་བསྔལ་བས་གཟིར་ཏོ།།བཙུན་པ་བཅོམ་ལྡན་འདས་ལེགས་པར་མཛད་དུ་གསོལ།དགེ་སློང་ཚེ་དང་ལྡན་པ་རིའི་ཀུན་དགའ་བོ་ག་ལ་བ་དེར་གཤེགས་ལ
585a3 རྗེསུ་བརྩེ་བས་གཤེགས་པར་ཞུ།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།དེར་ཡང་ཀུན་དགའ་བོ་ཁྱོད་དགེ་སློང་རིའི་ཀུན་དགའ་བོའི་ཐད་དུ
585a4 སོང་ལ་འདུ་ཤེས་བཅུ་བཤད་པར་གྱིས་ཤིག།རྣམ་པར་ཤེས་པ་དང་ལྡན་པའི་གན་སུ་སྨྲ་བར་གྱིས་ཤིག།གཞན་ཡང་དགེ་སློང་རིའི་ཀུན་དགའ་བོས་འདུ་ཤེས་བཅུ་ཐོས་ནས
585a5 ནད་ཀྱིས་གཟིར་བའི་གནས་རྣམས་ལ་སོ་སོར་རིག་པར་འགྱུར་རོ།།བཅུ་གང་ཞེ་ན།མི་རྟག་པའི་འདུ་ཤེས་དང་།བདག་མེད་པའི་འདུ་ཤེས་དང་།མི་གཙང་བའི་འདུ་ཤེས་དང་ཁར་དུ
585a6 བཅོད་པའི་འདུ་ཤེས་དང་།སྤོང་བའི་འདུ་ཤེས་དང་།འདོད་ཆགས་དང་བྲལ་བའི་འདུ་ཤེས་དང་།འགོག་པའི་འདུ་ཤེས་དང་།འཇིག་རྟེན་ཐམས་ཅད་ལ་མངོན་པར་མི་དགའ་བའི
585a7 འདུ་ཤེས་དང་།འདུ་བྱེད་ཐམས་ཅད་ལ་མི་རྟག་པའི་འདུ་ཤེས་དང་།འབྱུང་བ་དང་རྔུབ་པ་རྗེསུ་དྲན་པའི་འདུ་ཤེ་སོ།།མི་རྟག་པའི་འདུ་ཤེས་དུ་ཞེ་ན།འདི་ནི་ཚེ་དང་ལྡན་པ་ཀུན
iiif viewer powered by OpenSeadragon
