| e-texts navigator |
| Wylie |
329a1 ངག་མི་བརྙན་པར་སྨྲ་ན་ཡང་སེམས་ཅན་ངན་སོང་གསུམ་དུ་ལྷུང་།།ཅི་སྟེ་མིར་སྐྱེས་ན་ཡང་འབྲས་བུ་རྣམ་པ་གཉིས་སྨིན་ཏེ།རྟག་ཏུ་སྒྲ་མི་སྙན་པ་མང་པོ་ཟོས་པ་དང་།སྨྲསོ་ཅོག་སྐྱོན་ཅན
329a2 རྩོད་པར་འགྱུརརོ།།ཚིག་ཀྱལ་པ་བྱེད་པ་ཡང་ངན་སོང་གསུམ་དུ་ལྟུང་བར་འགྱུར་ཏེ།ཙི་སྟེ་མིར་སྐྱེས་ན་ཡང་འབྲས་བུ་རྣམ་པ་གཉིས་སྨིན་ཏེ།བདེན་པོའི་ཚིག་སྨྲས་པ་ཡང་ཀུན་གྱིས་ཡིད་མཆེས་པ་དང་།སྨྲས་པ
329a3 ཐད་མཱི་གསལ་བར་འོང་།།འདོད་ཆགས་ཀྱི་ཁ་ན་མཐོ་བ་ཡང་སེམས་ཅན་ངན་སོང་གསུམ་དུ་ལྷུང་བར་བྱེདའོ།།ཅི་སྟེ་མིར་སྐྱེས་ན་ཡིང་འབྲས་བུ་རྣམ་པ་གཉིས་སྦྱིན་ཏེ།ནོར་ལ་ཆགས་ཤིང་ཆོག་མི་ཤེས་བྲི
329a4 རང་བཞིན་དང་།མང་དུ་ཚོལ་ཡང་བསམས་པ་བཞིན་མི་འགྲུའོ།།ཞེ་སྡང་གི་ཁ་ན་མ་ཐོ་བ་ཡང་སེམས་ཅན་ངན་སོང་གསུམ་དུ་ལྟུང་བར་བྱེད།།ཅི་སྟེ་མར་སྐྱེས་ན་ཡང་འབྲས་བུ་རྣམ་པ་གཉིས་སྨིན་ཏེ།
329a5 གཞན་གྱིས་རྟག་ཏུ་གླགས་ཚོལ་བ་དང་།རྟག་ཏུ་གཞན་གྱིས་འཚེ་བར་འགྱུརརོ།།ལོག་པར་ལྟ་བའི་ཁ་ན་མ་ཐོ་བ་ཡང་སེན་ངན་སོང་གསུམ་དུ་ལྷུང་།།ཅི་སྟེ་མི་རོ་སྐྱེས་ན་ཡང་འབྲས་བུ་རྣམ་པ་གཉིས་སྨིན་ཏེ།
329a6 རྟག་པ་ལོག་པར་བལྟ་བའི་ཁྱིམ་དུ་སྐྱེ་བ་དང་།གཡོན་ཅན་དུ་སྐྱེ་བར་འགྱུརརོ།།ཀྱེ་རྒྱལ་བའི་སྲས་དག་དེ་ལྟ་བུའི་མི་དགེ་བ་བཅུ་ནི་སྡུག་བསྔལ་མང་པོས་གདུངས་པའི་རྒྱུ་ཡིནོ།།དེ་ནས་འཁོར་མང་པོའི་ནངོན
329a7 མིདགེ་བ་བཅུའི་ལས་ཀྱི་ལམ་བྱེད་པ་དག་བཅོམ་ལྡན་འདས་ཀྱིས་སེམས་ཅན་དམྱལ་བའི་སྡུག་བསྔལ་རྣམས་བཤད་པ་འདི་ཐོས་ནས་ཐམས་ཅད་ཀྱིས་ཆོ་ངེས་བཏབ་སྟེ།བཅྡོཾས་ལ་འདི་སྐད་ཅེས་གསོལ་ཏེ།
iiif viewer powered by OpenSeadragon
