| e-texts navigator |
| Wylie |
306b1 ཆོས་ཐོས་པར་མི་དགའ་བ་ལས་འོངས་པ་ཡིན་ནོ།།མིར་གྱུར་ཀྱང་སོ་རྣོན་པོར་གྱུར་པ་གང་ཡིན་པ་དེ་ནི།རུང་བ་འཆའ་ཞིང་ཤ་ཟ་བ་ལས་འོངས་པ་ཡིནོ།།མིར་གྱུར་ཀྱང་སྣ་དགྱེ་བོར་གྱུར་པ
306b2 གང་ཡིན་པ་དེ་ནི།དྲི་མི་ཞིམ་པ་དག་གིས་དེ་བཞིན་གཤེགས་པ་ལ་མཆོད་པ་བྱས་པ་ལས་འོངས་པ་ཡིན་ནོ།།མིར་གྱུར་ཀྱང་མཆུ་ཤོ་རེར་གྱུར་པ་གང་ཡིན་པ་དེ་ནི།ཉའི་འགྲམ་པ
306b3 ཕུག་པ་ལས་གྱུར་པ་ཡིན།།མིར་གྱུར་ཀྱང་སྐྲ་སེར་པོར་གྱུར་པ་གང་ཡིན་པ་དེ་ནི།ཕག་གི་སྤུ་བཏོགས་པ་ལས་འོངས་པ་ཡིནོ།།མིར་གྱུར་ཀྱང་རྣ་བ་རལ་པ་གང་ཡིན་པ་དེ་ནི།གཞན
306b4 དག་གི་རྣ་བ་ཕུག་པ་ལས་གྱུར་པ་ཡིན་ནོ།།མིར་གྱུར་ཀྱང་ལུས་ཀྱི་ཤ་བྲུར་ལྟ་བུར་གྱུར་པ་གང་ཡིན་པ་དེ་ནི།གོས་ཡང་ཞིང་སྲབ་པ་དག་བགོས་ནས།དེ་ནས་དེ་བཞིན་གཤེགས་པའི་སྐུ
306b5 གཟུགས་ཀྱི་སྤྱན་སྔར་འོངས་པ་ལས་གྱུར་པ་ཡིན་ནོ།།མིར་གྱུར་ཀྱང་མདོག་གནག་པ་གང་ཡིན་པ་དེ་ནི།དེ་བཞིན་གཤེགས་པའི་སྐུ་གཟུགས་ཁྱམས་དག་གི་འོག་ཏུ་བཞག་ནས་དུད་པ
306b6 བདུག་པ་ལས་གྱུར་པ་ཡིན།།མིར་གྱུར་ཀྱང་རྐང་ལག་ཞ་བོར་གྱུར་པ་གང་ཡིན་པ་དེ་ནི།མཁན་པོ་དང་བླ་མ་རྣམས་མཐོང་ཡང་ལྡང་བ་མེད་པ་ལས་གྱུར་པ་ཡིན།།མིར་གྱུར་ཀྱང་སྐུར་པར
306b7 གྱུར་པ་གང་ཡིན་པ་དེ་ནི།གོས་ཡང་ཞིང་སྲབ་པ་དག་བགོས་ནས།ཕན་ཚུན་དུ་འགྲོ་བའིདེ་བཞིན་གཤེགས་པའི་སྐུ་གཟུགས་ལ་རྒྱབ་ཀྱིས་ཕྱོགས་པ་ལས་གྱུར་པ་ཡིན་ནོ།།
iiif viewer powered by OpenSeadragon
