| e-texts navigator |
| Wylie |
109b1 ཞིག་སྟེ།ད་ལྟར་སློབ་དཔོན་དང་།སློབ་མ་དེ་གཉིས་ཕན་ཚུན་ལྟ་བ་དང་།མོས་པ་དང་།བྱེ་བྲག་ཕྱེད་པ་དང་།བཟོད་པ་དག་གིས་མི་མཐུན་པར་སྨྲ་ཞིང་དགེ་སློང་གི་དགེ་འདུན་དག
109b2 དང་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སླད་བཞིན་ཞེ་འབྲིང་དུ་མཆིས་པ་འདི་ནི།ངོ་མཚར་རབ་ཏུ་ཆེའོ་ཞེས་སྐབས་ཀྱི་གཏམ་དེ་ལྟ་བུ་དག
109b3 གླེང་ལངས་པ་ལགས་ལ།བཙུན་པ་བདག་ཅག་དགེ་སློང་མང་པོ་རྣམས།རྒྱལ་པོའི་གནསུ་འདུས་ཤིང་མཆིས་པ་སྐབས་ཀྱི་གཏམ་དུས་ལ་བབ་པ་ན་དེ་ལགས་ཏེ།ག་ཏཱ་མ་དེས་ད
109b4 ལྟར་བདག་ཅག་འདུས་ཤིང་མཆིས་པ་ལགསོ།།དགེ་སློང་དག་དེ་ལ་མི་སྙན་པ་བརྗོད་པ་དང་།ཆོས་དང་དགེ་འདུན་ལ་ཡང་མི་སྙན་པ་བརྗོད་པ་དེ་ལ།གནོད་སེམས་མི་བྱའོ།།
109b5 མི་བཟོད་པ་མི་བྱའོ།།ངན་སེམས་མི་བྱའོ།།སེམས་མངོན་པར་མི་དགའ་བར་མི་བྱའོ།།དགེ་སློང་དག་ང་ལ་མི་སྙན་པར་རྗོད་པ་དང་།ཆོས་དང་དགེ་འདུན་ལ་ཡང་མི་སྙན་པ
109b6 རྗོད་པ་དེ་ལ།ཚེ་དང་ལྡན་པ་དག་གིས་གནོད་སེམས་དང་།མི་བཟོད་པ་དང་།ངན་སེམས་དང་།སེམས་མངོན་པར་མི་དགའ་བར་བྱས་ན།དེས་ན་ཁྱོད་ཀྱི་བར་དུ་གཅོད
109b7 པ་ཁོ་ནར་འགྱུར་བའི་ཕྱིར་རོ།།དེ་ཅིའི་ཕྱིར་ཞེ་ན།དགེ་སློང་དེ་རེ་ཤིག་ཁྲོས་འཁྲུགས་ལ།རྔམས་ཏེ་ཡིད་མི་དགའ་བར་གྱུར་པས་།གཞན་རྗོད་པའི་དོན་གྱི་རྣམ་པ་ཐམས
iiif viewer powered by OpenSeadragon
