| e-texts navigator |
| Wylie |
109a1 པ་ཡང་དག་པར་རྫོགས་པའི་སངས་རྒྱས་ཀྱི་ཕྱི་བཞིན་དུ་ཞ་འབྲིང་དུ་དོང་བ་འདི་ནི་ངོ་མཚར་རབ་ཏུ་ཆོའོ་ཞེས་སྐབས་ཀྱི་གཏམ་ད་ལྟ་བུ་དག་ཡང་དག་པར་བརྗོད་པར་གྱུར
109a2 ཏོ།།དེ་ནས་དགེ་སློང་མང་པོ་དག།རྒྱལ་པོའི་གནས་ན་འདུས་ཤིང་འཁོད་པ་རྣམས་ཀྱི་སྐབས་ཀྱི་བཏམ་དུས་ལ་བྲབ་པ་དག།བཅོམ་ལྡན་འདས་ཉིན་མོའི་གནས་ན་བཞུགས་བཞུགས
109a3 པའི་ལྷའི་སྤྱན་རྣམ་པར་དག་པ་མིའི་ལས་འདས་པས་གསན་པར་གྱུར་ཏོ།།གསན་ནས་ཀྱང་ཏིང་ངེ་འཛིན་དེ་ལས་བཞེངས་ནས།རྒྱལ་པོའི་གནས་ག་ལ་བ་དེར་གཤེགས་ཏེ།བྱོན་ནས
109a4 དགེ་སློང་གི་དགེ་འདུན་གྱི་མདུན་དུ་གདན་བཏིང་བ་ཉིད་ལ་བཞུགསོ།།བཞུགས་ནས་ཀྱང་དགེ་སློང་རྣམས་ལ་བཀའ་སྩལ་པ།དགེ་སློང་དག་ཁྱེད་རྒྱལ་པོའི་གནསུ་དགེ་སློང་མང་པོ་རྣམས
109a5 འདུས་ཤིང་འཁོད་པ་རྣམས་ཀྱི་སྐབས་ཀྱི་གཏམ་དུས་ལ་བབ་པ་ནི་གང་ཡིན།ཁྱེད་གཏམ་གང་གིས་ན་ད་ལྟར་འདུས་ཤིང་འཁོད།བཙུན་པ་བདག་ཅག་དགེ་སློང་མང་པོ་རྣམས
109a6 རྒྱལ་པོའི་གནས་འདིར་འདུས་ཤིང་མཆིས་པ་ནི།ཀུན་ཏུ་རྒྱུ་རབ་དགའ་རྣམ་གྲངས་དུ་མའི་སྒོ་ནས་སངས་རྒྱས་ལ་མི་སྙན་པ་བརྗོད་ལ།ཆོས་དང་དགེ་འདུན་ལ་ཡང་མི་སྙན་པ་བརྗོད་པ་དང་།
109a7 ཀུན་ཏུ་རྒྱུ་རབ་དགའི་སློབ་མ་བྲམ་ཟེའི་བུ་ཚངས་སྦྱིན་ཞེས་བགྱི་བ་ནི།རྣམ་གྲངས་དུ་མའི་སྒོ་ནས།སངས་རྒྱས་ལ་སྙན་པ་བརྗོད་ལ།།ཆོས་དང་དགེ་འདུན་ལ་ཡང་སྙན་པརྗོད་པ
iiif viewer powered by OpenSeadragon
