| e-texts navigator |
| Wylie |
107b1 ཡུལ་མི་ཐམས་ཅད་ཀྱང་རབ་ཏུ་དགའ་མགུ་རངས་ནས།མེ་ཏོག་དང་།བདུག་སྤོས་དང་།བ་དན་དང་།རྒྱལ་མཚན་དང་།བླ་རེ་ལ་སོགས་པས།མཆོད་པ་བྱ་བའི་ཕྱིར་བ་ཤམས་ཏེ།
107b2 ས་གཞི་ཡང་སྤོས་ཆུས་ཆག་ཆག་བཏབ་ནས་བསྡད་དོ།།རྒྱལ་བུ་ཕོ་ཟང་གི་ནང་དུ་འོངས་ནས།ཡུམ་གྱི་དྲུང་དུ་ཕྱིན་པ་དང་།མགོ་བོས་ཕྱག་འཚལ་ནས།སྤྲོ་བའི་ཚིག་གིས་སྙུན
107b3 གསོལ་ཏོ།།དེ་ནས་རྒྱལ་པོས་རིན་པོ་ཆེའི་བང་མཛོད་ཐམས་ཅད་རྒྱལ་བུ་ལ་གཏད་དོ།ཡིད་བཞིན་དུ་སྦྱིན་པ་བྱེད་དུ་བཅུག་ནས།སྦྱིན་པ་སྔ་མ་བས་ཀྱང་ལྷག་པར་རྒྱུན་མ་ཆད་པར
107b4 སྦྱིན་པ་བྱེད་དུ་བཅུག་པས།མངོན་པར་སངས་རྒྱས་ཀྱི་བྱང་ཆུབ་ཐོབ་པར་གྱུར་ཏེ།བཅོམ་ལྡན་འདས་ཀྱི་ཀུན་དགའ་བོ་ལ་བཀའ་སྩལ་པ།ངས་སྔོན་གྱི་སྦྱིན་པ་བྱས་པ་མངོན་དུ་དྲན་པ་ནི
107b5 དེ་ལྟ་བུ་ཡིན་ནོ།།དེའི་ཚེ་དེའི་དུས་ན།རྒྱལ་བུ་དོན་གྲུབ་ཅེས་བྱ་བ་ནི་ད་ལྟར་ང་ཉིད་ཡིན་ནོ།།དེའི་ཚེ་ཡབ་རྒྱལ་པོར་གྱུར་པ་དེ་ནི་དེ་ལྟར་ངའི་ཡབ་རྒྱལ་པོ་ཟོས་གཙང་མ་ཡིན་ནོ།།དེའི་ཚེ
107b6 ཡུམ་དུ་གྱུར་པ་དེ་ནི་ད་ལྟར་ཡུམ་ལྷ་མཛེས་ཡིན་ནོ།།དེའི་ཚེ་ན་བཙུན་མོར་གྱུར་པ་དེ་ནི་ད་ལྟར་གྲགས་འཛིན་ཉིད་ཡིན་ནོ།།དེའི་ཚེ་དགེ་སློང་ཨ་ཙུ་ཏ་ཞེས་བྱ་བ་ད་ལྟར་མོའུ་དགལ་གྱི་བུ་ཆེན་པོ
107b7 ཡིན་ནོ།།དེའི་ཚེ་བརྒྱ་བྱིན་ལྷའི་དབང་པོར་གྱུར་པ་དེ་ནི་ད་ལྟར་ཤཱ་རིའི་བུ་ཡིན་ནོ།།དེའི་ཚེ་རྔོན་པར་གྱུར་པ་ད་ལྟར་ཀུན་དགའ་བོ་ཁྱོད་ཡིན་ནོ།།དེའི་ཚེ་ཁྱེའུ་ཡ་རི་ཞེས་བྱ་བ་ནི་ད་ལྟར་ངའི་སྲས
iiif viewer powered by OpenSeadragon
