| e-texts navigator |
| Wylie |
106b1 རྒྱུལ་བུ་ལ་ཡི་གེ་པུ་ལོ།།རྒྱལ་བུས་ཡི་གེ་བླངས་ནས།ཡི་གེ་ལ་ཕྱག་འཚལ་ནས།ལན་བདུན་བསྐོར་བ་བྱས་ཏེ།མོད་ལ་ཕྱིར་ཡུལ་དུ་འགྲོ་བར་ཆསོ།།དེའི་ཚེ་རི་དེ་ནས་ཆས་བུ་དང་།
106b2 རིདེ་ལ་གནས་པའི་རི་དགས་དང་།གཅན་ཟན་ལ་སོགས་པ།རྒྱལ་བུ་འགྲོའོ་ཞེས་ཐོས་ནས།ཐམས་ཅད་ལུས་ས་ལ་བརྡབས་ནས།ས་ལ་འགྲོ་ཞིང་ངུ་བའི་སྐད་ཕྱུང་ངོ་།།ཆུ་མིག
106b3 རྣམས་ཀྱང་སྐམས་ཏེ།གཅན་ཟན་དང་།རི་དགས་ཀྱི་ཕྲུ་གུ་ཡང་མི་ནུ།འདབ་ཆགས་བྱ་མང་པོ་ཡང་།སྙིང་རྗེའི་སྐད་ཀྱི་སྒྲ་ཕྱུང་ངོ་།།དེ་ནས་རྒྱལ་བུ་གོས་གྱོན་ནས།བཙུན་མོ
106b4 དང་འགྲོགས་ཏེ།ཕྱིར་ཡུལ་དུ་སོང་བ་ལས།དགྲ་ཟླའི་ཡུལ་གྱིས་རྒྱལ་པོས།རྒྱལ་བུ་ཕྱིར་འོང་ངོ་ཞེས་ཐོས་ནས།བལ་གྱི་གླང་པོ་ཆེ་དཀར་པོ་ལ་གསེར་གྱི་སྒྲས་བསྟད་དེ།།གསེར
106b5 གྱི་སྣོད་དུ་ནི་དངུལ་གྱི་ཉེའུ་གྱིས་བཀང་།དངུལ་གྱི་སྣོད་དུ་ནི་གསེར་གྱི་ཉེའུ་གྱིས་བཀང་བ་བཤམས་ནས།རྒྱལ་བུ་བསུ་བའི་ཕྱིར་ན་མཁའ་ལ་སྟོད་དེ།རྒྱལ་བུ་བསུས་ནས
106b6 རྒྱལ་པོའི་འཕྲིན་དུ་འདི་སྐད་ཅེས་གསོལ་ཏོ།།བདག་ནི་མི་ཤེས་པའི་དབང་དུ་གྱུར་ཏེ།རྒྱལ་བུ་ལས་བལ་གྱི་གླང་པོ་ཆེ་བསླངས་པས།དེའི་རྐྱེན་གྱིས་རྒྱལ་བུ་སྤངས་པར་གྱུར་པ
106b7 དེ་འགྱོད་པས་ན།མཐོལ་ཚངསུ་གསོལ་ལོ།།ང་རྒྱལ་བུ་སླར་གཤེགསུ་གསོལ་ཞེས་ཐོས་ནས།རབ་ཏུ་དགའ་སྟེ།བལ་གྱི་གླང་པོ་ཆེ་དེ་ཉིད་ཀྱང་སླར་ཕུལ་ཞིང་གསེར
iiif viewer powered by OpenSeadragon
